Tímarit lögfræðinga - 01.06.1972, Qupperneq 52

til 3ja manna nefndar og álit hennar siðan lagt fyrir
nefndina í heild. Þar er málið rætt og atkvæði greidd.
Er mörgum málum þá þegar vísað frá. Önnur eru at-
huguð nánar af 3ja manna nefnd eða stundum einum
manni. Er þá fyrst samin skýrsla um staðreyndir máls-
ins, látið uppi álit um, hvort frekari gagna sé þörf og
reifuð stuttlega þau álitamál, sem einkum koma til greina.
Nefndin getur krafið aðilann skriflegra greinargerða og
að mál sé munnlega flutt, ef efni þykja til. Kemur það
alloft fyrir.Nefndin getur og kvatt fyrir sig vitni og að-
ilann sjálfan, en einnig getur hún falið undirnefnd að
taka við slíkum skýrslimi og athuga staðhætti eða vett-
vang annars staðar en í Strashourg, þar sem nefndin
annars starfar. Jafnframt skal nefndin leita um sættir
með aðilum og hefur sú heimild oft borið góðan ár-
angur. Takist sátt ekki er næsta skref að samið er
rökstutt álit um, livort máli sé svo farið, að þvi beri að
vísa frá, af því að það hafi: „auðsjáanlega ekki við rök
að styðjast.“ Telji nefndin þörl' á nánari athugun áður
en hún lætur uppi álit sitt um efni þess, fær málið líka
meðferð og áður er getið. Ef nefndin telur góðar líkur
á því, að um hrot á sáttmálanum geti verið að ræða ber
henni að senda ráðherranefndinni álitsgerð sína og til-
lögur. Ráðherranefndin sker siðan úr því, hvort um brot
sé að ræða á ákvæðum sáttmálans eða ekki. Til þess að
um brot verði talið að ræða, þarf % atkvæða þeirra,
sem rétt eiga til setu í nefndinni. Ef sú verður lausn
málsins, setur ráðherranefndin ríki þvi, er hlut á að
máli frest til þess að haga gerðum sínum samkvæmt úr-
skurðinum. Ef fresturinn er látinn líða án aðgerða tek-
ur ráðherranefndin málið til meðferðar að nýju. Ber þá
að skera úr því með sama meirihluta og fyrr segir:
„hvaða afleiðingar hin upphaflega ákvörðun hennar skuli
hafa sbr. 32. gr., enda ber þá að birta skýrsluna. 1 4. lið
32. gr. segir:
„Samningsaðilarnir samþykkja, að hver sú ákvörðun,
86
rímarit lögfræðinga