Tímarit lögfræðinga - 01.07.1973, Qupperneq 13

un fastanefndar til að hafa eftirlit með framkvæmd hans og
gegna nokkrum öðrum störfum, t. d. úrlausn ágreinings um
framkvæmd og túlkun samningsins.
8. Báðir þessir samningar hafa verið fullgiltir af öðrum Norður-
landaríkjum. Hið sama er að segja um aðra samninga, t. d. um ráð-
stafanir til að hindra útvarpssendingar utan lögsögu ríkja, um
bifreiðatryggingar og um ríkisfang víðar en í einu landi. Þessa
alþjóðlegu samninga hefur Island enn ekki séð sér unnt að undir-
rita.
9. Afbrotavandamál og sakfræði.
1 Evrópuráðinu hefur mönnum verið ljós sú staðreynd, að hraðfara
þróun nútímaþjóðfélaga hefur skapað alvarleg félagsleg vandamál.
Meðal þeirra er fjölgun afbrota sérstakt íhugunarefni. Ráðherra-
nefnd Evrópuráðsins stofnaði 1957 Afbrotanefnd Evrópu (Euro-
pean Committee on Crime Problems, ECCP) til að samræma ráð-
stafanir til að koma í veg fyrir afbrot og aðgerðir varðandi með-
ferð brotamanna. I nefndinni eiga sæti sérfræðingar frá aðildar-
ríkjunum öllum, — háttsettir embættismenn eða háskólakennarar,
sem hafa sérhæft sig í refsirétti og sakfræði. ECCP hefur, eins og
CCJ, sett á stofn nokkrar undirnefndir til að kanna sérstök mál-
efni. Hafa slíkar kannanir leitt til þess, að samdir hafa verið al-
þj óðasamningar eða mótaðar stefnuyfirlýsingar og leiðbeiningar-
sjónarmið varðandi aðgerðir. Stefnu- og leiðbeiningarsjónarmiðin
hafa síðar komið fram í ályktunum frá ráðherranefndinni.
Vísindaráð um sakfræði er ECCP til ráðuneytis um fræðileg atriði.
Vísindaráðið var sett á fót af ráðherranefndinni 1962. 1 því eiga
sæti sjö fræðimenn, sem getið hafa sér orð á alþjóðavettvangi og
tilnefndir eru af forstjóra Evrópuráðsins. Að auki samþykkti ráð-
herranefndin 1962 að kalla saman ráðstefnur forstöðumanna sak-
fræðilegra rannsóknarstofnana. Hafa ráðstefnur þessar verið
haldnar árlega síðan 1963, og þar hefur verið skiptst á skoðunum
um vandamál í sakfræðirannsóknum og ræddar og kannaðar leiðir
til að auka samvinnu í rannsóknastarfsemi.
10. Starfið í ECCP hefur leitt til þess, að samdir hafa verið ýmsir
Evrópusamningar, en enginn þeirra hefur enn verið undirritaður
af hálfu Islands. önnur Norðurlönd hafa hins vegar ýmist fullgilt
þá eða þau undirbúa fullgildingu. Hér skulu fjórir samningar
nefndir sem dæmi um það, sem ECCP hefur komið til leiðar:
(a) Evrópusamningur um framsal sakamanna.
I samningi þessum skuldbinda aðildarríkin sig til gagnkvæms
11