Tímarit lögfræðinga - 01.07.1973, Side 15

(d) Evrópusamningur um flutning varnarþings í refsimálum.
Samningur þessi hefur enn ekki tekið gildi, en í honum er til-
greint, hver vera skuli skilyrði þess, að meðferð máls flytjist
ríkja í milli, t. d. frá landinu, þar sem brot var framið, til
landsins, þar sem brotamaðurinn býr. 1 samningnum eru regl-
ur um valdmörk ríkja og þýðingu þess, að beiðzt er afsals á
valdi á þessu sviði. -—• I samningnum eru einnig reglur um
það tilvik, að um sama mál sé fjallað í fleiri ríkjum en einu.
Er tilgangur þessara reglna sá að koma í veg fyrir, að sami
maður sé ákærður og dæmdur oftar en einu sinni fyrir sama
brot. Með tilteknum hætti er gert kleift að reka í einu og
sama iandi mál vegna margra brota sama manns eða sömu
manna. Hið sama er, ef margir hafa staðið að broti.
11. Niðurstaða.
Óþarft er að fjalla hér almennt um gildi samvinnu milli ríkja í
Evrópu. Fullvíst er, að markviss og stöðug viðleitni Evrópuráðsins
til að fá lög aðildarríkja sinna samræmd, hefur haft veruleg áhrif
til að ryðja hindrunum úr vegi í samskiptum ríkja, þar sem lögin
mótast enn af hugmyndum um sögulega arfleifð og fullveldi.
Þátttaka Islands í þessari viðleitni hefur e. t. v. enn ekki þróazt til
fulls. En vona verður, að á komandi árum geti Island við hlið nor-
rænna bræðraþjóða lagt sinn fulla skerf af mörkum til að koma á
Evrópusamfélagi, sem reist sé á hugmyndinni um réttarríki og á
virðingu fyrir grundvallarréttindum einstaklinga.
Þýðing: Þór Vilhjálmsson.
13