Tímarit lögfræðinga - 01.07.1973, Síða 19

fyrir greiddum launum, þó að skattþegn neiti að kannast við að hafa
fengið launin. Þess eru mörg dæmi, að fram koma launamiðar, sem
ekki koma fram í framtölum viðkomandi skattþegna eða að misræmis
gæti á launamiða og framtali viðkomandi launþega. 1 slíkum tilfellum
ber skattstj óra eins og áður er tekið fram að skora á skattþegn að gefa
skýringar á því, af hverju launanna sé ekki getið, eða af hverju mis-
ræmið stafi. Neiti skattþegn að hafa þegið laun hjá viðkomandi launa-
framteljanda, hefur venjan verið sú, að skattstjóri hefur því aðeins
tekið neitunina til greina, að henni fylgi yfirlýsing frá launaframtelj-
andanum um, að launin séu ranglega fram talin. Fáist sú yfirlýsing
ekki, hefur skattþegn orðið að bera hallann af því. I nýlegum úrskurð-
um ríkisskattanefndar hefur þessum sjónarmiðum skattstjóra verið
hafnað. Ríkisskattanefnd krafði launaframteljendur í þeim málum um
viðkomandi gögn til sönnunar, og í þeim tilvikum, sem þau bárust ekki,
var kæran tekin til greina. Hlýtur þetta að teljast eðlilegast, þar sem
oft getur skattþegni reynzt torvelt að fá viðurkenningu um rangt launa-
framtal frá launaframteljanda, auk þess sem launaframteljandi er sá
aðili, sem bezt getur sannað í málinu með framlagningu launakvitt-
unar.
Þó að telja verði, að eðlilegt sé að leggja það á herðar skattayfir-
valda að afla nauðsynlegra gagna í sumum tilvikum verður þó að vera
um undantekningartilfelli að ræða, þar sem varla er hægt að ætlazt
til þess, þegar tekið er tillit til hins mikla fjölda mála, að þau þurfi
að ganga langt í þessu efni. Verður það því almenna reglan, að skatt-
stjóri úrskurðar með hliðsjón af þeim gögnum, sem kærandi hefur
lagt fram og ekki er að finna nein ákvæði, sem skylda hann til að
krefjast viðbótargagna, þó að hann telji gögn skorta. Hlýtur því vönt-
un þeirra að leiða af sér synjun skattstjóra á kærunni.
Þá er það skilyrði sett í 40. gr., að kæran sé send skattstjóra eða
umboðsmanni hans innan 14 daga frá því að skattskrá er lögð fram
eða póstlögð var tilkynning um skattbreytingu sbr. 4. mgr. 38. gr. Hér
nægir, að kærandi hafi póstlagt kæru sína innan frestsins, en ákvæðið
um ákveðinn kærufrest á breytingum skattstjóra er nýmæli og vant-
aði í eldri lög. Þetta ákvæði er nú sérstaklega nauðsynlegt vegna
breyttra starfsaðferða skattayfirvalda, sem felst í því, að aðalathug-
un á framtölum skattþegna fer fram eftir framlagningu skattskrár.
Sendi kærandi kæruna ekki innan 14 daga, vísar skattstjóri kær-
unni frá sem of seint fram kominni, og ekki mundi þýða að áfrýja
slíkum úrskurði til ríkisskattanefndar. Úrskurðir skattstjóra skulu
vera rökstuddir, og er það nýmæli í lögunum. Ekki mun ætlazt til, að
17