Tímarit lögfræðinga - 01.07.1973, Qupperneq 74

hundruð og jafnvel þúsund mílur frá ströndum. Hefir því í tillögunni
ekki verið miðað við landgrunnið eitt sem mælikvarða í þessu efni.
Þróun mála verður væntanlega sú, að þessi tillaga íslands og tillögur
frá ríkjum í öðrum heimshlutum, sem að meginstefnu ganga í sömu átt,
verði sameinaðar í eina víðtæka tillögu. Er full ástæða til að vera bjart-
sýnn um framgang málsins.
3. Alþjóðahafsbotnssvæðið.
Svo sem áður segir, verður eitt aðalverkefni hafréttarráðstefnunnar
að ganga frá reglum um hið alþjóðlega hafsbotnssvæði, afmörkun þess
og stjórnun á því. Togast þar á andstæð sjónarmið, þar sem ýmis ríki
vilja hafa alþjóðasvæðið sem stærst og stjórnun á því sem sterkasta,
en önnur hafa á því aðra skoðun. Af íslands hálfu hefir verið beðið
nokkuð átekta, þar til straumar skýrast. Er ætlunin að stuðla að sam-
ræmdri heildarlausn, er taki fullt tillit til hagsmuna Islands af víðáttu
fiskveiðilögsögunnar.
Undirbúningsnefndin hefir unnið mikið starf í þessu efni, og liggja
fyrir margháttaðar athuganir og tillögur.
4. Mengun og vísindalegar rannsóknir.
Undirbúningsnefndin hefir einnig unnið mikið á þessu sviði, og þegar
náðst víðtæk samstaða um lausn þessara mála, þótt enn séu átök um
réttarstöðu strandríkis, einkum varðandi mengunarlögsögu.
Hér hefir verið stiklað á stóru, enda beinist athyglin nú aðallega að fund-
inum í sumar, þar sem reynt verður að ganga endanlega frá tillögum til
ráðstefnunnar. Eins og áður segir, er við búið, að um nokkur höfuðatriði
verði að skila mismunandi tillögum, enda varla annars að vænta, þar sem
engar atkvæðagreiðslur fara fram í undirbúningsnefndinni. Loks ber að hafa
í huga, að 91 ríki á sæti í nefndinni, en búizt er við, að hafréttarráðstefnuna
sjálfa muni sækja fulltrúar a. m. k. 140 ríkja. Ekki hefir enn verið gengið frá
fundarsköpum ráðstefnunnar, en þar mun, ef að líkum lætur, þurfa % atkvæða
til endanlegra samþykkta, svo að um alþjóðasamning eða samninga verði að
ræða. Auk þess þarf fullgildingu nægilegra margra ríkja til að slíkir samn-
ingar taki gildi.
Hans G. Andersen.
NORRÆNA
EMBÆTTISMANNAMÓTIÐ
Norrænu embættismannasamtökin halda fundi í Reykjavík 13.—16. júni.
Mót þessi eru haldin til skiptis á Norðurlöndum á 3 ára fresti. Búizt er við
um 160 erlendum þátttakendum og verða makar í fylgd með um 50 þeirra.
Islenzkir þátttakendur verða sennilega um 50.
Dagskrá mótsins verður í stórum dráttum á þessa leið: Að morgni mið-
vikudagsins 13. júní verður mótið sett í Þjóðleikhúsinu og flytja þar fulltrúar
72