Árbók Háskóla Íslands - 30.12.2005, Síða 65

geta stúdentarnir séð á hverjum tíma hvar umsókn þeirra er stödd í ferlinu. Hl er
samkvæmt samningum skuldbundinn til að aðstoða erlenda skiptistúdenta við út-
vegun húsnæðis og er það eitt af verkefnum Alþjóðaskrifstofunnar.
Stór hópur skiptistúdenta sem hingað kemur óskar eftir því að fara á námskeið í
íslensku áður en hið eiginlega nám við skólann hefst. Alþjóðaskrifstofan samdi
við Námsflokka Reykjavíkur um kennslu í íslensku fyrir erlenda stúdenta sem
hygðust stunda nám sem skiptistúdentar við íslenska háskóla og var námskeiðið
haldið í ágústmánuði. Alls 84 stúdentar tóku þátt í námskeiðinu sumarið 2005 og
hafa þeir aldrei verið fleiri. Ekki reyndist unnt að taka við öllum umsækjendum.
en allir skiptistúdentar sem sóttu um komust á námskeiðið. Helsta vandamálið
varðandi móttöku stúdentanna á ágústnámskeiðið er að erfiðlega gengur að finna
húsnæði fyrir svo stóran hóp á ferðamannatímanum. Samhtiða tungumátanám-
skeiðinu var stúdentunum boðið að taka þátt í menningardagskrá. sem skipulögð
var af starfsmönnum Atþjóðaskrifstofunnar.
Starfsmenn Alþjóðaskrifstofu skipuleggja í upphafi kennslumissera kynningar-
fundi um starfsemi og þjónustu fyrir nýja erlenda stúdenta sem hefja nám við Hl.
Kynningardagskrá um Island og ístensk málefni. Introduction to lceland, er fastur
tiður í móttöku erlendra stúdenta og starfsmanna. Um þrír til fjórir viðburðir eru
skipulagðir á misseri og eru það m.a. skoðunarferðir. fyrirtestrar um íslensk mál-
efni, sýningar o.fl. Erlendir skiptistúdentar sem ætla að stunda háskólanám á ís-
landi geta sótt íslenskunámskeiðið í ágúst. Sömuleiðis er dagskráin Introduction
to lceland einnig opin öllum erlendum stúdentum og kennurum sem koma tit ís-
lands.
Fyrir nokkrum árum kom Alþjóðaskrifstofan á aðstoðarmannakerfi fyrir ertenda
stúdenta sem stunda nám við HÍ. í dag er þetta samvinnuverkefni með Stúdenta-
ráði H(. Islenskir stúdentar við HÍ taka að sér að aðstoða og leiðbeina erlendum
stúdentum sem koma til landsins. Tilgangurinn er að veita aðstoð við ýmis hagnýt
atriði sem þarf að leysa í upphafi námsdvatar og kynna erlendum nemunum fé-
lagslíf stúdenta og koma í veg fyrir félagslega einangrun.
Kynningarstarf
Alþjóðaskrifstofan fær styrk frá Evrópusambandinu tit að standa straum af kostn-
aði við kynningu á Sókratesáætluninni hér á landi. Árið 2005 var gefið út frétta-
bréf á ensku. og því dreift til samstarfsaðila erlendis. ertendra gesta sem koma
hingað og ýmissa annarra er áhuga kynnu að hafa á efni blaðsins. Kynningarefni
um Nordplus-áætlunina var gefið út og dreift hér innanlands. Alþjóðaskrifstofan
tók þátt í sameiginlegri kynningu Norðurlandanna á háskólanámi á Norðurtönd-
um á ráðstefnu NAFSA-samtakanna í Seattle í Bandaríkjunum í maí og tok þátt i
kynningu með Utrecht-netinu á ráðstefnu EAIE í Kraká í Póllandi. Forstöðumaður
Alþjóðaskrifstofunnar flutti erindi á EAIE ráðstefnunni um reynslu okkar af raf-
rænni skráningu. Mikið átak hefur verið gert í því að endurbæta heimasíðu Al-
Þjóðaskrifstofunnar og eru nú aðgengilegar upplýsingar um atlar helstu áætlanir
°9 starfsþætti skrifstofunnar á heimasíðu hennar.
Upplýsingastofa um nám erlendis
Innan Alþjóðaskrifstofunnar er starfrækt Upplýsingastofa um nám erlendis. sem
er öllum opin. Markmið hennar er að safna. skiputeggja og miðla upplýsingum
um nám erlendis. Vaxandi þáttur í starfseminni er að fylgjast með nýjungum og
hreytingum á netinu og tengja gagnlegar stóðir við heimasíðu Alþjóðaskrif-
stofu/Upptýsingastofu. Notendur þjónustu Upplýsingastofunnar voru um 4.150
árið 2005. Stærsti notendahópurinn er háskólastúdentar og þeir sem hafa áhuga
á stúdentaskiptum.
Sókrates landsskrifstofa
Alþjóðaskrifstofan starfrækir innan sinna vébanda Sókrates landsskrifstofu
menntaáætlunar ESB. Sókratesáætluninni tilheyra nokkrar undiráætlanir og eru
þessar þær helstu og virkustU:Erasmus-áætlunin. sem nær til háskólastigsins,
Comeniusar-áætlunin, sem nær til leik- grunn- og framhaldsskóla. Grundtvig-
áætlunin. sem styrkir verkefni á sviði fullorðinsfræðslu, Minerva-áætlunin sem er
verkefni um upplýsingatækni í menntamálum. Lingua tungumálaverkefni og Ar-
ionstyrkir námsheimsóknir fyrir stjórnendur og sérfræðinga á sviði menntamála.
Landsskrifstofa Sókratesar sér auk þess um að úthluta styrkjum til undirbún-
ingsheimsókna vegna Sókratesverkefna sem sótt er um beint til Brussel svo-
nefnd miðstýrð verkefni.