Búnaðarrit - 01.01.1932, Side 76
70
B U N A Ð A R R I T
Því þarf kartöflugarður fyrst og fremst að liggja vel
við sól og ennfremur að njóta eins góðs skjóls og völ
er á. Bext er að garðlandið sé ekki alveg flatt, heldur
halli hæfilega í sólarátt. En ekki má hallinn þó vera
svo mikill, að erfitt verði um jarðvinnslu vegna hans.
En allvíða sjást hér á landi kartöflugarðar í miklum
bratta og hafa gefist prýðilega. Garðar, sem liggja vel
við sól, þiðna og hlýna fyrr á vorin, og allar þær efna-
breytingar, sem jurtunum eru nauðsynlegar, verða þar
fyrri til en í rakri, kaldri mold. Okostur við garða, sem
liggja í miklum bratta er það, að þeir þorna eðlilega
mun fyrr en þeir, sem eru á sléttu landi. En með góðri
umhirðu, einkum með því að losa yfirborð moldarinnar
milli plantnanna, má takast að draga mjög mikið úr
þeirri hættu. í görðum, sem liggja vel við sól, þar leys-
ist húsdýraáburðurinn fyrr í sundur og kemur að betri
notum, en í görðum sem njóta illa sólar.
Það er ekki hægt að gefa óbrigðular reglur um, í
hvaða átt görðum skuli halla, því það er undir stað-
háttum komið á hverjum stað, og verður jafnframt að
taka tillit til þess, að kartöflugarðarnir njóti sem bezts
skjóls. Þetta eru atriði, sem hver búhygginn maður
verður að ráða fram úr á sínum stað.
En eitt er það, sem athugavert er við að görðum
halli til austurs, eða suðausturs, það, að í þeim görðum
er meiri hætta á skemmdum af völdum frosta, en ef
þeim hallar til suðurs eða suðvesturs. — Kartöflugrös
eru viðkvæm fyrir frostinu, en þola þó lílilsháttar frost,
ef þau fá að þiðna nógu hægt upp aftur. En ef sól
skín árla morguns á freðin grös, og þíðir þau í skyndi,
þá er dauðinn vís. Alkunnugt er það, meðal þeirra, sem
fróðir eru um juriir og líf þeirra, að þar, sem skortur
er á kalí í jarðvegi, verða jurtir þær, sem þar vaxa,
viðkvæmari fyrir næturfrostum, en þar sem kalí er nægi-
legt. Og þetta gildir ekki sízt um kartöflurnar. Og er
mikilsvert, ef hægt er að draga úr skemmdum af völd-