Dvöl - 01.01.1944, Blaðsíða 83

D VÖL
77
vinsælan, að' á hann mun hlustað frem-
ur flestu öðru, sem flutt er í útvarp. Mun
ekki heiglum hent að ná þeim árangri í
þessu efni. Hjá Birni virðast fara sam-
an þeir hæfileikar, sem til þess þurfa að
leysa þetta farsællega af hendi: Mikil
þekking, trú fræðimennska og lag á að
setja efnið fram á skýran, skemmtilegan
og alþýðlegan hátt. í þessum þáttum sín-
um hefur hann einkum fjallað um dag-
legt nútímamál, og annað í fræðum máls-
ins, sem spurningar hlustenda hafa beinzt
að og leitt talið að . í þessu hefti er
samankomið nokkuð af efni þessara þátta,
og er því skipað þar niður eftir skyldleika.
Er þar veigamestur kaflinn um manna-
nöfn, sem er vísindalegur og alþýðlegur
í senn.
Þetta hefti er trútt vopn í baráttunni
fyrir hreinu og fögru máli — fullgildu
„sjálfstæðismáli," gætum við kannske sagt.
Björn segir sjálfur í lok heftisihs: „í hverju
sem er, eykur hrein og þroskamikil ís-
lenzka hróður okkar út á við og virð-
inguna, sem við veröum að bera fyrir
sjálfum okkur.“
Annað hefti erindasafnsins heitir Ferða-
þættir og minningar og er eftir Guð-
mund Thoroddsen, prófessor. Er það mjög
skemmtilegt aflestrar, enda hafa þættir
Guðmundar í útvarpinu verið harla vin-
sælir. Minningarnar í heftinu eru bernsku-
minningar höf. frá Bessastöðum, en faðir
hans, Skúli Thoroddsen, bjó þar um skeið,
og var þar þá stórbrotið og mannmargt
heimili í gömlum stíl. Þar var og prent-
smiöja.
Ferðaþættirnir eru frá Hornströndum
og Flatey á Breiðafirði. Eru það einkar
lifandi og greinagóðar lýsingar frá ferða-
lögum höfundar um þessa landshluta.
Telja má víst, að þetta hefti verði mörg-
um kærkomið lestrarefni. Prófarkalestur
á þessu hefti er varla svo góður sem skyldi.
Þá mun á næstunni von þriðja heftis
Erindasafnins. Nefnist það Frá Vín til
Versala og er eftir Sverri Kristjánsson,
sagnfræðing.
Útgáfa safns útvarpserinda er eins og
gefur að skilja miklum annmörkum háð
hér í okkar fámenna landi, og eiga þeir,
sem í þetta liafa ráðizt þakkir skyldar.
Einnig er það þakkarvert, að verð safns-
ins er fremur lágt, miðað við bókaverð
nú á dögum. Það er kr. 6,50 heftið til
fastra áskrifenda og kr. 8,50 í lausasölu.
Útilíf. Bókaútgáfa Guðjóns Ó.
Guðjónssonar 1943. Jón Oddgeir
Jónsson bjó út.
Þetta er handbók í ferðamennsku, lítið
og laglegt kver, sem þægilegt er að stinga
í vasa og hafa með sér í ferðalögum til
ráðuneytis í mörgum vanda, er að hönd-
um ber. Ferðalög og útivist fara nú mjög
í vöxt hér á landi og verða almennari en
áður, því að sú venja er að skapast, að
menn fái eða taki frí frá störfum sínum
nokkra daga á ári hverju, og noti þá
til ferðalaga og útivistar. Það er góð venja
og þjóðholl og má vænta mikils af henni
fyrír heilbrigði þjóðarinnar og menningu.
Þetta þarf aðeins að verða enn almenn-
ara og ná til allra stétta. Einkum má
þó segja, að þessi orlof séu nauðsynleg
þeim mönnum, sem vinna stöðugt að ein-
hæfum innistörfum. En fólkið, sem leggur
upp í orlofsferðalögin nú á dögum, er ekki
jafnbúið til farar og þjóðin var yfirleitt
fyrir nokkrum áratugum. Þá voru feröa-
lög um hið torsótta land og útivist í hinni
viðsjálu veðráttu snar þáttur í lífi alls
landsfólksins. — Reynsla lífsbaráttunnar
kenndi fólkinu fjölmörg heppileg viðbrögð
gegn hvers konar torveldi, sem íslenzk
náttúra lagði í leið ferðamannsins. En
fólkið, sem unnið hefur innan dyra mest-
an hluta ársins og leggur upp í orlofsferð
sína, hvort sem það er hestferð, gönguferð
eða bílferð, býr ekki yfir sömu lífsreynslu.
Það verður að læra, ef vel á að fara.
Þessu fólki er bók þessi sérlega heppileg
og nauðsynleg, þó að allir, sem við ferða-
lög fást og vanir geta talizt, geti líka
margt af henni lært. Bókin gefur góðar
leiðbeiningar um útbúnað ferðalagsins,