Morgunn - 01.12.1951, Side 11

MORGUNN
93
tilfinningasviðið, og svo kölluð Delusionol-geðveiki í mörg-
um myndum. Allar þessar tegundir má síðan heimfæra
undir eina: hina miðilslegu geðbilun, eða huglæga geð-
bilun.“
Þá hefur alkunnur enskur prestur sagt frá því, að bæði
í geðveikrahælunum og utan þeirra væru milljónir af geð-
biluðum spíritistum. Honum láðist vitanlega að geta þess,
að í geðveikrahælunum er yfirgnæfandi fjöldi af sjúkling-
um, sem haldnir eru alls konar trúarlegum grillum og
ofstæki.
Dr. Marcel Violet, læknir við geðsjúkdómahæli Parísar,
ritaði: „Vegna þeirra, sem ekki eru andlega sterkir, vegna
þeirra, sem eru geðbilaðir, vegna alheilbrigðra þátttak-
enda í tilraunafundum, og vegna framtíðar spíritismans
sjálfs viljum vér leggja þunga áherzlu á þessa viðvörun:
Farið varlega! Farið varlega! Forðizt allt, sem er óheil-
brigt, og forðist hætturnar á því, sem kann að verða
óheilbrigt. Hreinsið samkomuhús yðar, hleypið ekki öll-
um að samkomum yðar. . .. Þér, sem eruð veikir fyrir
... varið yður á því, sem kann að geta orðið óheilbrigt
fyrir skýra hugsun yðar. ... Þér samvizkusömu hygg-
indamenn, sem hafið fullt jafnvægi í hugsun yðar og eruð
gæddir spurulum huga, gætið yðar, að þér látið ekki
ánetjast óljósum og þokukenndum hugsunargangi. Reisið
eins konar andlega tollskoðunarstofu við innganginn á
fundarherbergjum yðar, og gangið síðan fram, er þér er-
uð öruggir um heilbrigði í hugsun, og opnið oss nýja
vísindagrein.“
Áður en ég kem að hættunum, sem samfara eru því
að fást við sálarrannsóknir, er rétt að gera sér grein
fyrir þeim hættum, sem samfara eru öllum rannsóknum
og tilraunum. Hversu mörgum. mannslífum hefur ekki ver-
ið fórnað fyrir efnafræðina, x-geislana, radium, flug, og
fyrir lyf jarannsóknir, meðan reynt var að finna hinar huldu
orsakir sjúkdómanna? Hversu mörgum mannslífum hef-
ur ekki verið fómað í tilraunastofum vxsindanna, þar sem