Morgunn - 01.12.1951, Síða 14

96 MORGUNN
að og taka vald yfir sálrænni stúlku, án hennar vilja“,
sagði ég.
Að lokum játaði þessi vera, að hún væri karlmaður og
umrenningur. Hann kvaðst ekki vera einn, þeir væru sjö.
Ég sagði honum, að þeir yrðu að bíða hér um sinn, þeim
yrði öllum hjálpað. En þeir yrðu að hverfa frá stúlkunni.
Nokkuru síðar talaði ég við þennan anda í gegn um frú
Wickland. Hann sagði mér þá, að bæði hann og hinir
andamir hefðu verið í sambandi við konuna, sem með
miðilsgáfu sinni þóttist ætla að þjálfa ungu stúlkuna, en
þeir hefðu horfið frá konunni og fylgt stúlkunni eftir.
Þrem árum síðar hittum við ungu stúlkuna. Hún kvaðst
algerlega hafa losnað við hin slæmu áhrif, hún hefði ekki
fundið fyrir þeim síðan, en sagði okkur einnig, að síðan
hefði hún aldrei komið á miðilsfund. ...
1 hvers konar rannsóknum verður að fylgja ákveðnum
lögmálum og svo er einnig um sálrænar rannsóknir. Þær
lúta lögmálum, sem menn verða að þekkja og fylgja, ef
ekki á að hljótast verra af. Þekking á þessum lögmálum
og fullkomin hlýðni við þau forðar frá hættum bæði sál-
rænu fólki og öðrum, sem áhuga hafa fyrir málefninu.
Það er æskilegt að hafa reynda rannsóknarmenn, með
þekkingu á málinu, til þess að gefa mönnum leiðbeining-
ar. Og það er einnig ákaflega þýðingarmikið, að þeir, sem
vinna saman að þessum málum séu samstilltir, alvarlegir,
samvizkusamir og beiti skynsemi og viti. Þessi skilyrði
eru nauðsynleg til þess, að vitrir stjórnendur frá hinum
heiminum komi til að ljá lið sitt.
Við slíkar tilraunir er einnig nauðsynlegt að hafa vel
æfðan miðil, miðil sem hefur fullt líkamlegt og andlegt
jafnvægi og er fús á að leggja á sig hverjar fórnir, sem
nauðsyn krefur fyrir vísindalegt gildi málsins, miðil, sem
er fullkomlega verndaður af vitrum stjómendum.
Margir miðlar verða fyrir hugaráhrifum, sem berast að
þeim frá vitrum verum í andaheiminum, og þá halda