Morgunn - 01.12.1951, Qupperneq 44

Hvaðan — hvert?
nefnir hinn víðkunni danski kvenrithöfundur frú Thit Jen-
sen endurminningar þær, sem hún gaf út á liðnu ári
(Hvorfra? — Hvorhen?). Kennir þar margra grasa, eins
og vonlegt er, þegar hin rúmlega sjötuga baráttukona lit-
ur um öxl yfir hið stormasama líf, sem hún hefur lifað.
Um fáa danska rithöfunda hefur staðið meiri styrr en
hana, og þó er sumt af því, sem hún hlaut á yngri árum
sínum fyrirlitningu og ofsóknir fyrir að bera fram og
berjast fyrir, nú talið sjálfsagt í siðmenntuðu þjóðfélagi.
Af foreldrum sínum dregur hún upp skemmtilegar
myndir. Faðir hennar var hámenntaður maður, víðlesinn
og hafði bréfasambönd við nokkra gáfuðustu menn aldar-
innar utan Danmerkur. Móðir hennar var einnig gáfu-
kona, en fremur skaphörð, stjórnsöm og þrekkona með
afbrigðum. Hún sagði elztu dótturinni, Thit. að hún vildi
ekkert af því vita, að hún yrði nein kvenfrelsisskjóða,
hún ætti að gera svo vel að giftast og eignast almenni-
legt heimili! En hún varð að lifa það, að dóttir hennar
var skamma stund í miður hamingjusömu hjónabandi og
gerðist snemma baráttukona fyrir kvenréttindamálið,
ferðaðist árum saman um þvera og endilanga Danmörk
og flutti fyrirlestra, sem blöðin skömmuðu oft niður fyr-
ir allar hellur, en almenningur þyrptist að til að hlýða á,
einkum konurnar, ferðaðist um lönd og álfur og skrifaði
leikrit og skáldsögur, sem hneyksluðu marga.
En foreldrar hennar voru sannfærðir spíritistar, og það
var frú Thit Jensen sjálf frá æsku sinni, enda er mikill
hluti endurminninga hennar um spíritismann og það, hvað