Morgunn - 01.06.1957, Síða 20

14
MORGUNN
þessar staðreyndir: aðeins á fyrsta fundinum kemur Gor-
don Davis sjálfur og talar, og dr. Soal þekkir rödd hans,
alveg óvænt. Hann gefur hárréttar upplýsingar, bæði frá
samveruárum þeirra í skóla og eins af því, sem gerðist í
lífi hans eftir að fundum þeirra hafði borið saman síðast.
Margt af því var dr. Soal gersamlega ókunnugt um, en
reyndist við eftirgrennslan að vera rétt. Þetta hefðu ver-
ið skemmtileg sönnunargögn fyrir framhaldslífi Gordon
Davis, ef ekki hefði komið síðar í ljós, að hann var alls
ekki dáinn!
Á öðrum og þriðja fundinum talar aðeins stjórnandi
miðilsins og segir frá heimili Davis, og þær upplýsingar
komu alveg heim viö heimilið, sem Davis eignaðist þó
ekki fyrr en nærfellt ári síðar. Stjórnandinn er ekki ör-
uggur, og svo virðist, sem hann tali alls ekki við Davis
sjálfan, þegar hann er að segja frá heimili hans. Hann
virðist miklu fremur hafa einhvers konar fjarhrifasam-
band við Davis. En þá er spurningin: hvaðan hafði Davis
sjálfur vitneskju um, hvernig myndi líta út í framtíðar-
heimili hans ? Hann hafði einu sinni séð þetta hús, er hann
kom af tilviljun til Southend on Sea. En samt kemur allt
heim við það, sem síðar verður. Eina missögnin í öllu
því, sem fram kemur á fundunum, og hún ekki smávægi-
leg — er sú, að segja Gordon Davis vera dáinn. En sá,
sem kemur með þær upplýsingar, virðist vera í góðri trú
og engan veginn vera að blekkja.
Þetta reyna menn að skýra á marga lund. Ein skýr-
ingartilgátan er sú, að frú Blanche Cooper, sem er ágæt-
ur miðill, hafi með fjarhrifasambandi sogið þessa vitn-
eskju Úr vitund Gordon Davis eða dr. Soals, eða úr vit-
und þeirra beggja, og síðan hafi undirvitund hennar
spunnið þráðinn og skapað sér transmynd af Gordon
Davis. Víst er það, að Gordon Davis hafði sjálfur enga
hugmynd um, að hann hefði komið fram sem „andi“ á
miðilsfundi. Þessi skýringartilgáta sýnist fljótt á litið
skýra þetta mál bezt. Og ekki afsannar hún að neinu leyti