Morgunn - 01.12.1966, Blaðsíða 76

154
MORGUNN
Þriðji og siðasti kafli bókarinnar heitir Ljós yfir landa-
mœrin. Þar rekur höfundurinn rit hins brezka sálarrann-
sóknamanns og rithöfundar Arthur Findlay, en hann hefur
skrifað markar merkar bækur um spíritismann. Ein þeirra
On the Edge of the Etheric er til á íslenzku í ágætri þýðingu
Einars H. Kvaran, og nefnist: Á landamœrum annars heims.
Að lokum rekur höfundur í stórum dráttum sögu spírit-
ismans, andstöðu kirkjunnar, forna og nýja, gagnvart þekk-
ingarleit manna og spíritismanum eða sálarrannsóknunum
sérstaklega, eftir að þetta tók að ryðja sér til rúms á siðari
hluta aldarinnar sem leið.
Bók sína endar hann með þessum orðum:
,,Ég, sem þetta rita, hef frá þeirri eigin reynslu að segja,
að framlífsvissan hefur áorkað hvorutveggja: að dýpka
barnatrú mína og lyfta henni í hæðir. Þessi vissa er hin
trausta undirstaða trúarinnar á óþekktan höfund allrar til-
veru; almáttugan, alvisan og algóðan „föður okkar á himn-
um“.
Ég enda svo þessar síðustu línur minnar síðustu bókar
með heitri bæn um það, að allir menn megi verða leiddir að
þessum brúarsporði, og þá ekki sízt prestarnir, sem hafa
með höndum sálusorgunina.
Takist ekki að vinna bug á fordómum kennimannanna
og tómlæti þeirra um sannindi spíritismans, mun vestrœn
kirkja neyðast til þess að láta undan síga.
En söfnuður spíritismans mun vaxa. Og trúarþurfandi
mannkyn framtíðarinnar mun leita nýrra úrræða um sam-
eiginlega tilbeiðslu í nýjum musterum, sem verða reist á
bjargi sannleikans.“
Bókin er rituð af sannfæringarkrafti og þunga. Hún er
hreinskilin játning gáfaðs manns, sem kynnt hefur sér mál-
efni spiritismans um langa tið, og þar hefur fundið, ekki að-
eins svör við vandaspurningum tilverunnar, heldur og ör-
yggi og trúarstyrk, huggun í lífi og í dauða. — Eftir lestur
þessarar bókar mættu andstæðingar spíritismans fá nokkra
ástæðu til þess að velta því fyrir sér, hvort hann sé nú í raun