Morgunn - 01.06.1975, Qupperneq 6
ÆVAR R. KVARAN:
KYNLEGAR KENNINGAR
Maður er nefndur Heimir Steinsson, vigður prestur og
skólastjóri í Skálholtsskóla. Hann hefur skrifað grein í Kirkju-
ritið, málgagn íslenzkra presta, sem er einhver furðulegasta
ritsmíð, sem hrokkið hefur úr penna menntaðs manns á Is-
landi. Sennilega hefði hún aldrei orðið kunn nema tiltölulega
fánm lesendum Kirkjuritsins, ef eitt dagblaðanna hefði ekki
vitnað í hana og þær tilvitnanir vakið almenna undnm. Grein-
in ber nafnið Tilvera til daúSa, ■—- trúin hrein. Lesendur dag-
blaðanna, sem vart gátu trúað sínum eigin augum, útveguðu
sér margir eintakið af Kirkjuritinu. En það leiddi til þess, að
mótmælagreinum tók að rigna yfir dagblöðin, og er Heimir
Steinsson enn að svara þessum greinum, þegar þetta er skrifað.
Þrátt fyrir opinberar áskoranir hefur Kirkjuritsgreinin ekki
fengizt birt í dagblöðunum. Afsakar greinarhöfundur sig m. a.
með því, að hún hafi ekki verið ætluð almenningi, heldur ein-
ungis prestum. Það er allkynleg afsökun, þegar þess er gætt,
að í þessarí grein er ráðizt með mikilli heift og ofstæki á skoð-
anir, sem eiga sér mikið fylgi meðal íslenzku þjóðarinnar.
Grein Heimis hefst á þessum orðum:
„Illkvittnir menn hafa löngum sagt, að andatrú sé þjóð-
arátrúnaður Islendinga. Hvorki skal sú fullyrðing stað-
fest hér né henni hafnað. Hitt er vist, að svonefndar
„sálarrannsóknir“ gegna umtalsverðu hlutverki í trúar-
legri hugsun þessarar þjóðar. Víðast hvar þar sem tveir
eða þrír eru samankomnir og trúmál ber á góma, eru
„sálarrannsóknir11 á næsta leiti. „Sálarrannsóknamenn"
eiga sér og skelegga málsvara. Ef einhverjum verður það
á að troða þeim um eina tá eða fleiri, fær hinn sami