19. júní - 19.06.1982, Side 74

Fyrirspurn svarað
KRFÍ svarar fyrirspurn kynningarhóps
Kvennaframboðsins í Reykjavík
Fyrir nokkru birtist í dagblöðum fvrir-
spurn til stjórnar KRFÍ frá kynn-
ingarhópi Kvennaframboðs í Reykjavík.
Par er spurt, hvers vegna félagið telji sér
„ekki skylt að styðja allar konur sem
hyggjast demba sér út í stjórnmála-
baróttuna“. Spumingin felur í sér mis-
skilning á afstöðu KRFÍ til stjórnmála-
þátttöku kvenna.
Markmið KRFÍ er og hefur verið frá
upphafi að vinna að jöfnum rétti og jafnri
stöðu karla og kvenna á öllum sviðum
þjóðlífsins. Bœði konur og karlar starfa
innan vébanda félagsins að þessu mark-
miði, án tillits til stjórnmálaskoðana. í
stjórn félagsins er kosið á árlegum aðal-
fundi aðalmenn og varamenn, flokks-
bundnir eða óflokksbundir eftir atvikum.
En á landsfundi, fjórða hvert ár eru kosn-
ir fjórir stjórnarmenn, ásamt vara-
mönnum, eftir tillögum uppstillingar-
nefndar, sem leitast við að fá fulltrúa frá
þeim stjórnmálaviðhorfum, sem ríkjandi
eru hverju sinni. KRFÍ er þverpólitísk
samtök áhugamanna um jafnrétti karla
og kvenna og hlýtur að gœta hlutleysis í
afstöðu til jieirra er gefa kost á sér til
framboðs í almennum kosningum og
styður því ekki einstaklinga eða einstaka
flokka. Hins vegar reynir félagið með
ýmsum hœtti, að leggja þeim konum lið,
sem vilja hasla sér völl í stjórn-
inólabaráttunni. Pannig hefur félagið all-
oft á liðnum árum sent öllum stjórnmála-
flokkum áskorun um að skipa konum í
örugg sœti á framboðslistum og sent
beinar áskoranir til kvenna að gefa kost á
sér l. d. til prófkjörs.
í stefnuskrá, sem samþykkt var á
landsfundi KRFÍ 1980 var kveðið á um
að á nœstu fjórum árum skyldi unnið að
því að fjölga konum í stjórnmálastarfi, í
sveitarstjórnum og á Alþingi. Að þessu
verkefni hefur félagið unnið undanfarið
m. a. með ráðstefnuhaldi, ýmiss konar
útgáfustarfsemi o. fl. Pegar nær dregur
kosningum í vor mun KRFÍ gangast fyrir
frambjóðendafundum í þeim tilgangi að
gefa konum, af öllum listum kost á að
koma skoðunum sínum á framfæri,
kynna sig og kynnast öðrutn.
Pegar kjósendur hafa ekki átt annars
kost, á undanförnum árum, en að kjósa
karla í meirihluta til stjórnmálastarfa og
konur farnar að þrevtast á því hversu
áhrifalitlar þær eru í þjóðfelaginu er ekki
nema eðlilegt að leitað sé nýrra leiða.
Kvennaframboð er tilraun til að fjölga
konum í stjórnmálum og fagnar KRI Í
hverri slíkri tilraun. Umratðttr og undir-
búningur að sérframboðum kvenna hefur
þegar hal't þau áhrif að tala kvenna á
framboðslistum stjórnmálaflokkanna
hefur aukist verulega.
Fyrirspyrjandi gagnrýnir formann
KRFÍ fyrir að láta í ljós skoðun sína á
sérframboðum kvenna í blaðaviðtali
vegna 75 ára afmælis félagsins. Stjórn
KRFÍ vill benda á, að formaðurinn Esther
Guðmundsdóttir, greindi skilmerkilega
frá því að hún tjáði þar sína eigin skoðun,
enda innt ef'tir henni. Innan KRFÍ er full-
komið skoðanafrelsi og gildir það jafnt
um formann sem aðra félagsmenn.
Stjórn KRFÍ vonar að kynningarhópi
Kvennaframboðs í Reykjavík sé orðin ljós
afstaða félagsins til kvenframbjóðenda,
hvort sem þeir eru í stjórnmálaflokkum
eða utan þeirra.
Að lokum hvetur stjórn KRFÍ konur til
virkrar þátttöku kosningabaráttunni og
óskar öllum þeim könum brautargengis,
sem verða í framboði til sveitarstjórna á
vori komand i. KJÓSUM KONUR.
Reykjavík, 1. niars 1982.
Stjórn Kvenréttindafélags íslands.
Konur
og
fjölmiðlar
Laugardaginn 17. apríl 1982 var haldin
ráðstefna á Hótel Esju á vegum KRFÍ,
Blaðamannafélags íslands og Sambands
íslenskra auglýningastofa. Viðfangsefni
ráðstefnunnar var „Konur og fjölmiðlar“
og var annars vegar rætt um þá mynd,
sem birtist af konum í fjölmiðlum og hins
vegur hlut kvennu í sturfsliði þeirru. Mug-
myndin að ráðstefnu þessarri vnrð til upp
úr starfi fjölmiðlahóps KRFÍ, sem gerði
könnun á umfjöllun fjölmiðlanna um
74
konur samanborið við karla. Ráðstefnuna
sótti fjöldi manns, konur í meirihluta, og
önnuöust þær Ásdís Rafnar og Erna Ind-
riðadóttir undirbúning hennar.
Framsöguerindi fluttu Magdalena
Schram fvrir fjölmiðlahóp KRFÍ, Ragn-
heiður Valdimarsdóttir, klippari hjá
sjónvarpinu, Einar Karl Haraldsson, rit-
stjóri Pjóðviljans, Fríða Proppé, blaða-
maður Morgunblaðsins, Maríanna Frið-
jónsdóttir, dagskrárgerðartnaður hjá
sjónvarpinu, Erna Indriðadóttir, frétta-
maður hjá útvarpinu, Kristín Porkels-
dóttir, formaður Sambands íslenskra
auglýsingastofa og Bergþóra Sigmunds-
dóttir, framkvæmdastjóri Jafnréttisráðs.
Að loknum framsöguerindum voru um-
ræður og sátu þá fyrir svörum auk fram-
sögumanna, Elías Snæland Jónsson, rit-
stjóri Tímans og Ellert B. Schram, rit-
stjóri Dagblaðsins Sc Vísis.
Niðurstaða ráðstefnunnar er sú, að
ástandið er óviðunandi. Mikill mismunur
er á umfjöllun um konur og karla í fjöl-
miðlunum. Yfirleitt er leitað til karla uni
upplýsingar og þeir spurðir álits á ýmsum
þjóðfélagsmálum, en sjaldan til kvenna,
nema um sé að ræða málefni, sem sér-
staklega eru talin varða konur og þykja
oftast ekki fréttir í hefðbundnum skiln-
ingi þess orðs.
Fjölmiðlarnir eru að vísu spegill þjóð-
félagsins og þar sem karlar eru í flestum
valdastöðum, skýrir það þetta að nokkru
leyti. En samt sem áður bera fjölmiðlarn-
ir ábyrgð á því að sú mynd, sem birtist af
konum og körlum þar, hvort sem jiað eru
fréttir, auglýsingar, viðtöl, Ijósmyndir eða
annað efni, stuðlar að því að viðhalda við-
tekinni hugmynd um verkaskiptingu og
hlutverk kynjanna.
Ráðstefnan þótti takust mjög vel og
voru flestir sammála um, að umræða af
jiessu tugi væri nauðsynleg til að vekja
athygli á jiví, sem miður fer. Um leið og
menn gera sér grein fyrir vandamálinu, er
hœgt að reyna að leysa það og stíga með
því lítið spor í átt til jafnréttis.