19. júní - 19.06.1983, Page 51

Dr. Kristín Ingólfsdóttir og litla dóttir hennar sem beið fram yfir doktorsritgerð og
prófarkalestur
Dr. Kristín Ingólfsdóttir:
„I framtíðinni lít ég vonandi á
fleiri íslenskar jurtir“
„Ég skrifaði doktorsritgerðina á
meðan ég gekk með mitt fyrsta barn.
Og lauk við prófarkalesturinn daginn
áður en hún fæddist. Dóttir mín sýndi
mikla tillitssemi og kom í heiminn á
réttum tíma.“ Það er Dr. Kristín Ing-
ólfsdóttir sem hér mælir.
Að loknu prófi frá lyfjafræðideild
Háskóla fslands 1978, stundaði hún
framhaldsnám í lyflýsingafræði við
Lundúnaháskóla. f febrúar síðastliðn-
um varði Kristín doktorsritgerð um
bakteríu- og sveppahemjandi efni í ís-
lenskum fléttum við þann skóla.
Lyflýsingafræði er sérgrein innan
lyfjafræðinnar, og fjallar sú fræði aðal-
lega um lyf sem rætur eiga að rekja til
náttúrunnar.
Eftir rúmlega þriggja ára dvöl í
Lundúnum við nám, er Kristín komin
heim og hefur þegar hafið störf. ,,Ég
kem til með að sinna kennslu að ein-
hverju leyti“, svarar Kristín, þegar
hún er spurð í hverju starf hennar sé
fólgið.
Eg hóf störf í síðasta mánuði við
Lyfjafræði lyfsala í Háskóla íslands.
Þess má geta hér að hingað til hafa
lyfjafræðinemar þurft að fara til Dan-
merkur eða Svíþjóðar til að ljúka lyfja-
fræðinámi. Hér í Háskólanum hafa
þeir einungis getað stundað sitt nám í
tvö til þrjú ár en lokaáfangann, þá
önnur tvö til þrjú ár til viðbótar, þurft
að taka í áðurnefndum löndum.
Nú er í undirbúningi að öll kennsla í
lyQafræði fari fram hér á landi og tek ég
meðal annars þátt í þeim undirbúningi
og kennslunni.
En auk kennslunnar vona ég að í
framtíðinni skapist aðstæður og tæki-
færi til að líta á fleiri íslenskar jurtir
með tilliti til hvort þær innihalda virk
efni.“
Kristín Jóhannesdóttir er höfundur handrits og leikstjóri að myndinni „Á hjara veraldar“ sem frumsýnd var í vetur. Myndin er ein
fjögurra íslenskra kvikmynda sem sýnd var á kvikmyndahátíðinni í Cannes í Frakklandi nú í vor (DV-mynd: E.Ó.)
Kristín Jóhanncsdóttir kvikmyndaieikstjóri.
51