19. júní - 19.06.1989, Blaðsíða 52
KONUR í
K
0
Þegar maður sest niður og hlustar á rokktónlist vekur hún þá
tilfinningu að þar sé heimur án hefða. En þegar betur er að gáð kemur í
Ijós að þar, eins og annars staðar, eru það karlarnir sem stjórna
ferðinni. - „Karlabransi“ hafa sumir kallað rokkheiminn. Þótti því ekki
úr vegi að fá þœr Ragnhildi Gísladóttur, Önnu Vilhjálms og Andreu
Jónsdóttur til að setjast á rabbstóla um íslenskar konur og
tónlistarheiminn.
KONURERU
KANNSKI
SKYNSMUAI...
agnhildur, sem óþarft er aö kynna sérstaklega
fyrir lesendum f9. júní, var fyrst spurð hver hún
haldi að sé skýringin á því að konur endast miklu
verr í músíkbransanum en karlar.
- í mínum huga skiptast þeir sem fást við tón-
list í tvo hópa. Annars vegar þá sem hafa gaman
af henni, flytja hana og dansa við hana. I þessum
hópi eru heilmargar konur, og þá ekki síður í
klassíkinni. Hins vegar þá sem fást við sköpun í
tónlist og í þeim hópi eru mjög fáar konur - þeim
fer þó fjölgandi í rokkinu. Fyrir 10 árum voru
ekki margar hér að semja. Nú eru hins vegar
gerðar meiri kröfur til þeirra sem fara í hljóm-
sveitir og þær gera meiri kröfur til sín.
Þær konur sem áður fyrr gáfu út sólóplötur
sungu lög og texta eftir einhverja aðra, aðallega
karlmenn, en nú eru a.m.k. nokkrar farnar að
gefa út eigið efni, eins og t.d. Bergþóra Árna,
Herdís Hallvarðs og svo auðvitað Björk Guð-
munds og nú líka Magga Örnólfs í Sykurmolun-
um. Dúkkulísurnar sömdu líka sitt efni að mestu
leyti, Andrea Gylfa lagði sitt til í Grafík og í
Risaeðlunum eru tvær stelpur aðaluppistaðan.
Hér áður fyrr var Ingibjörg Þorbergs sú eina sem
bæði samdi sitt efni og söng, þannig að þetta er
spor í rétta átt, þótt manni finnist kannski hægt
ganga.
Annars finnst mér skrýtið að konur sem eru
viðloðandi tónlist skuli ekki vera miklu meira í
tónlistarsköpun, því að það sem oft er talið til
kvenlegra eiginleika er einmitt það sem máli
skiptir á því sviði; konur eru rómantískar, næm-
ar, duglegar . . . skarpar, en þær hafa kannski
ekki haft tíma frá lummubakstrinum hér áður.
Nú eru aðeins breyttir tímar — það eru t.d.
gerðar kröfur til mín um að semja lög til jafns við
52