Búfræðingurinn - 01.10.1951, Qupperneq 15

II Ú F R ÆÐINCURINN
13
okkar, við höfum verið starfandi þjóðfélagsþegnar, meira eða
minna nýtir starfsmenn að sjálfsögðu, en allir eru á lífi í dag,
þó nokkra vanti hér í hópinn.
Að heiman fórum við hingað, vissir um, að hér væri sá sjón-
arhóll, sem víðsýnt væri af — hér mundum við virkilega njóta
víðsýnis undir handleiðslu aðila okkur langtum fremri.
Fögur voru hér kvöld og dýrleg stundum að áliðnum vetri
og fjarsýn dásamleg, eins og alla tíð hefur verið, þegar yfir
land er litið héðan frá Hólum. Hrikaleg fjöll og tignarleg
skýla fyrir norðangjósti, en fagurt til vesturs að líta og langt
eins og land framtíðarinnar væri þar í fjarska.
Á þessum sjónarhól nutum við aðstoðar og fulltingis þeirra,
sem leiðbeina skyldu okkur í fræðum þeim, sem á námsskrá
voru. Við minnumst þeirra, sem nú eru horfnir af vettvangi
þessa heims yfir á lífsins land. í djúpri þökk og hljóðri minn-
ingu tjáum við ástvinum þeirra og öðrum þakklæti fyrir þeirra
störf og leiðbeiningar. Blessuð veri minning þeirra Jóseps
Björnssonar og Tómasar Jóhannssonar — kennaranna, sem
horfnir eru héðan. Ykkur, kennurum okkar, sem hér eruð
mættir, vottum við hér með okkar beztu þakkir, en sjálfir skul-
uð þið álykta, livort erfiði ykkar er af okkur ávaxtað sem skyldi
og ráð var fyrir gert.
Tuttugu og fimm ár eru liðin síðan við hurfum liéðan með
veganesti það, sem þið bjugguð okkur. Misjafnlega vel og
lengi liefur að sjálfsögðu hrokkið það, sem troðið hafði verið
í fræðamalinn og að misjöfnu gagni hefur sumt orðið eins og
við er að búast, því að á ýmsum þrepum þjóðfélagsstarfa hafa
okkur verið búin verksvið. Á sýslumannsskrifstofu er h'klega
lítil þörf fyrir þekkingu á aldehyðum og ketonum og sjálfsagt
er það ekki hversdagslegt athæfi bænda að prófa hörku steina,
eða mundi verkstjóri hugleiða daglega, hvað þeir heita, vöðv-
arnir, sem verkamenn hans þurfa að beita við hin ýmsu átök?
Vissulega ekki, en eigi að síður eru öll þessi atriði nokkurs
virði að vita skil á, þau eru þættir í hinu flókna kerfi, sem til-
veran öll byggist á. Og alltaf eru einhverjir, sem hafa þörf fyrir
vitneskju um þessa hluti, hún verður þeim að gagni og öðrum
til góðs.