Morgunn - 01.12.1963, Síða 54
Dr. Kristian Schjelderup, biskup í Hamri:
Kristindómurinn og önnur
trúarbrögð
★
Dr. Kristian Schjelderup er langkunnastur norskra bisk-
upa þeirra er nú eru á lífi. Æviferill hans hefir verið
margbreytilegur. Hann var lengi skólamaður og vegna
afarfrjálslyndra trúarskoðana var honum neitað um
lélegustu prestsembætti í Noregi. Vafalítið er, að hann
hefði náð kosningu í prestaköllum, ef almennar kosn-
ingar væru þar viðhafðar. En kirkjustjórnin, sem veit-
ingavaldið hafði og hefir, tók ekki í mál, að veita honum
prestakall. Á styrjaldarárunum síðustu var hann hart
leikinn í fangabúðum nasistanna i Noregi. Þar öðlaðist
hann sterka trúarreynslu og gerðist jákvæðari en fyrr
í garð kristindómsins. Og eftir lok styrjaldarinnar gerð-
ist það, sem enginn hefði trúað fyrr, að honum, sem
aldrei hafði fengið hið lélegasta prestsembætti, vegna
frjálslyndra trúarskoðana, var boðið biskupsembættið í
Hamars-stifti, og tók hann þvi.
Fjarri fer þvi, að biskupsdómur hans hafi verið
stormalaus. Hann hefir hvað eftri annað lent í miklum
deilum um trúmál og guðfræði. Einkum meðan próf.
Hallesby stóð uppréttum fótum og mest var hlustað á
helvítisboðskap hans og brennisteinskristindóm í Noregi.
Á liðnu ári gaf Schjelderup biskup út bók, sem hann
nefnir „Veien jeg maatte gaa“: Vegurinn, sem ég hlaut
að ganga. Bókin er saga sjálfs hans, segir frá slcoðun-
um hans í dag og hvernig þær hafa þroskazt. Or þeirri
bók hefi ég með leyfi hans þýtt kaflann, sem hér fer
á eftir:
Hefir kristindómurinn sérstöðu meðal trúarbragðanna?
Eða hafa þeir á réttu að standa, sem segja að öll trúar-
brögðin, hvert á sinn hátt, séu „jafnsönn" eða jafngóð“?