Morgunn - 01.12.1963, Blaðsíða 82

156
MORGUNN
ári, fyrir fjölda manna og kvenna. Þar er gengið úrskugga
um, hverjir hafi hæfileika til þess að vera huglæknar.
Þeir, sem valdir eru úr, verða aukafélagar í sambands-
félaginu og starfa um sinn með reyndum huglæknum,
þar til þeir þykja einfærir um að stunda þessar lækn-
ingar, og fá þeir þá viðurkenningu félagsins.
Síðan 1946 hefir Harry Edwards haft lækningasetur
sitt í úthverfi Lundúna. í sumar lét hann þess getið, að
á þessum 16 árum hafi sér borist vottorð frá rúmlega
30.000 sjúklingum, sem hafa fengið hjá sér algeran bata
á ótal sjúkdómum, sem taldir voru ólæknandi. En svo
eru auk þess allir hinir, sem fengið hafa lækningu á
ýmsum kvillum, auk þeirra, sem hafa fengið aðsendan
kraft, eða firðlækningu, en engri tölu verður á það kom-
ið hve margir þeirra hafa læknast. En til þess að sýna
hver aðsóknin er, má geta þess, að seinustu árin hefir
lækningastöð Edwards borist að meðaltali rúmlega 1000
bréf á viku frá mönnum, sem biðja hann um að senda
sér læknishjálp. Þessir menn eru ekki aðeins í Bret-
landi, heldur dreifðir um öll lönd brezka samveldisins,
og þó ýmis önnur lönd, sérstaklega Bandaríkin. „Þegar
þess er nú gætt,“ segir Edwards, ,,að hér er aðeins um
eina huglækningastöð að ræða, en nú eru þúsundir hug-
lækna hér á landi, þá má öllum vera ljóst, að það er
mikill fjöldi manna, sem læknast árlega.“
Um afstöðu almennings á Bretlandi til huglækninga,
nefna eitt dæmi, sem hlýtur að vera öruggt. Brezka út-
varpið efndi til sjónvarpsumræðufundar um huglækn-
ingar og bauð Edwards þangað. En hann var þar ofur-
liði borinn vegna þess hve margir voru til móts. Þá brá
svo við, að mótmælabréfum rigndi yfir útvarpið út af
því að það hafði verið hlutdrægt. Kvað svo rammt að
þessum aðsúg, að útvarpinu leizt ekki á blikuna. — En
hvað gerði það þá? Það efndi til sérstakrar skoðunar-
könnunar um land allt. Slík skoðanakönnun kostar þús-
undir sterlingspunda, og til hennar er ekki gripið nema