Morgunn - 01.12.1977, Page 19

ÁHRIF SPIRITISMANS . . .
97
virðist skeytunum ekki vera skipað í neina sérstaka rökrétta
röð, eins og ef til vill hefði mátt búast við af fyrirlesara, sem
ætlar að flytja erindaflokk. Ég vil taka það fram, að það sem
ég vel er aðeins svipur hjá sjón af skeytunum i heild, og sá
sem vill kynna sér þetta, af alvöru, ætti að fá sér bókina og
lesa hana alla. Hvort sem hann fellst á kenningar hennar eða
ekki, þá get ég lofað honum að hugur hans fær nóga næringu.
Imperator undirritar fyrstu skeytin, um legu sviðanna þ.
e. að þrjú lægstu sviðin séu næst jörðu og að andamir, sem
þar búi eigi hægast með að ná sambandi við oss. Andar á
hærri sviðum geta ekki skipzt á við oss skeytum nema þeir
séu gæddir hæfileikum hliðstæðum og jarðneskir miðlar.
Margir andar myndu fúslega vilja tala við oss, en þeir ná
ekki í miðla. Hann varar og við „óvinum“ eða lygaöndum.
Næstu sjö sviðin (upp á hið tiunda) nefnir hann reynslu-
sviðin eða þroskasviðin, og síðan koma sjö hugleiðslusvið.
Hann leggur áherzlu á, hve mikilvæg breyting verði er kom-
ið er upp á hugleiðslusviðin (hugheima) og segir: „Vér frétt-
um fátt handan, þótt vér vitum, að þeir blessuðu, sem þar
búa, hafa vald til þess að hjálpa oss og leiðbeina oss eins og
vér vökum yfir yður.“ Og einnig: „Vér vitum um guð, en
vér þekkjum hann ekki, og vér kynnumst honum ekki, eins
og þér mynduð vilja kynnast honum, fyrr en vér komum á
hugleiðslus viðin.
Svið illu andanna eru undir jörðinni. Það mætti því kalla
þau neikvæð. Þau virðast vera sex eða átta að tölu.
Imperator segir: „Vér vitum lítið um lægri heimana.“ En
hann heldur að sérstaklega þrjóskir andar geti staðið svo fast
gegn góðum áhrifum, að þeir glati að lokum einstaklingseðli
sinu og tortímist. Þetta er syndin gegn heilögum anda, sem
Jesús talar um við lærisveina sína, og þessi dauði sálarinnar
er laun þeirrar syndar. En minnist þess að Imperator boðar
þetta ekki sem vissu, og aðrir andar, sem meira vita um und-
irheimana, segja oss að allar sálir frelsist að lokum. Hann
staðfestir þá almennu kenningu, að enginn persónulegur djöf-
ull sé til.