Morgunn - 01.12.1996, Side 55

Af litum og lækningum
um það í huga að ára er útstreymi kringum líkama
okkar, eins konar samspil raf- eða orkubylgna og lita,
er hvirflast um áruna og hugarorka okkar hefur áhrif
á.
Það væri að mínu mati, ekki óeðlilegt að margur
spyrði nú: hvernig getur maður séð þessa liti?
Að sjá svona liti byggist á næmni okkar. Sumir eru
næmari en aðrir og því er það að vonum að sumum
getur verið þetta meðfætt, en ég held að flest okkar
þurfi að þróa þetta með sér, en til slíks tel ég hug-
leiðsluna best fallna. Seta í bænahringum hjálpar hér
mjög til, enda er þar oftast stunduð hugleiðsla að ein-
hverju marki. Öll störf að andlegum málum eru hér
af hinu góða.
Hvaða aðferð sem við notum af því sem að ofan
segir, tel ég rétt að við höfum sérstaklega tvö atriði í
huga, m.a. til þess að forða okkur frá vonbrigðum
sem upp gætu komið. Hið fyrra er að þar sem við
erum gædd mismikilli næmni þá má reikna með því
að sum okkar sjái aldrei þessa andlegu liti, hversu
hart sem við leggjum að okkur. Hið síðara er svo það,
að það tekur langan tíma og mikla þjálfun að ná
þessu takmarki. Svo má og geta þess að ég hef sjálf-
ur reynslu af því að geta séð þessa liti á stundum, en
aðrar stundir sé ég þá alls ekki, þótt mér virðist að-
staða svipuð.
Ef við erum iðin við að þjálfa okkar andlega mann,
stýra hugsun okkar í átt að kærleikanum og ljósinu,
þá fáum við umbun fyrir það. Hvort hún birtist á
sviði sjónar, heyrnar eða tilfinninga okkar, er að mínu
mati ekki aðalatriðið, heldur það að við þroskumst í
átt að ljósinu og kærleikanum, að við verðum færari
MORGUNN 53