Morgunn - 01.12.1996, Side 60

Af litum og lækningum
Svo óraunverulegt sem það virðist vera, þá er það
svo að hefði ég ekki punktað samtal okkar strax nið-
ur, þá væri þessi þáttur um hugsun mína til Þórunn-
ar Maggýjar fallin í gleymsku, því spurningu mína
man ég alls ekki en hana hafði ég ekki ritað niður. Ég
er reyndar viss um að hún, sem slík, hefur ekki verið
merkileg, heldur hafi hún fyrst og fremst átt að koma
samtali okkar á og að samtalið hafi átt að vekja mig
til umhugsunar um vanda háls míns og lungna og ég
tel að það sé einmitt nú að skapast möguleiki til þess
að ég fái fljótlega bót þessara meina minna.
Hér lýk ég þessu samtali við Maggý en við tekur
hinsvegar annað samtal, sem ég tel furðulegt fram-
hald af þessu, þótt þar sé annar viðmælandi.
Þriðji þáttur
Að kvöldi 28. mars 1993, hringir síminn hjá mér
og nú er það Guðmundur Einarsson, sem þar er á
ferð, heilsar mér og segir:
„Eins og þú mannst þá var ég á skyggnilýsingar-
fundi Ingibjargar Þengilsdóttur fyrir nokkru og þess-
um fundi stjórnaðir þú. Þar heyrði ég og fann að þú
áttir í erfiðleikum vegna andþrengsla og eða ein-
hverra vandræða í hálsi þínum, og þetta varð ástæð-
an til þess að ég ákvað að segja þér eftirfarandi:
Fyrir nokkru komst ég að því að læknir á Vífils-
stöðum hefði náð góðum árangri í slíkum málum
með tækni sem nýkomin væri hingað til lands, frá
Svíþjóð. Þar sem ég átti sjálfur við líka erfiðleika að
etja fór ég á fund þessa læknis og hef ég fengið hina
bestu bót meina minna.
58 MORGUNN