Morgunn - 01.12.1996, Page 63

Anthony Chamberlaine-Brothers:
Guð minn góður,
hvernig líturðu út?
Ég þori að veðja upp á það, að þeir, sem ekki hafa velt þessari
spurningu fyrir sér einhvern tímann á ævinni, eru teljandi á
fingrum annarrar handar. Eg veit vissulega hvernig ég lít sjálfur
út, því það hefur alltaf verið til nóg af speglum handa mér til að
spegla mig í, og ég á fullt af Ijósmyndum, sem sýna mér ímynd
mína frá ýmsum hliðum, og af þessu öllu þekki ég auðvitað and-
litið best, - grannholda, hrukkótt, með yfirvaraskegg, stundum
alskegg, svolítið útstæð augu og stór eyru, sem sæjust standa út
frá höfðinu ef ekki væri fyrir þykkur hárlubbi, sem vex vel í hlið-
unum, alveg öndvert við það, sem er ofan á sköllóttum kollinum.
En nóg um mig, hvað um þig, hvernig lítur þú út?
Þú veist sjálf(ur) jafnvel og ég, hvernig þú lítur
út, en hver er ímynd þín gagnvart öðrum? Hvorki þú
eða ég getum vitað hvernig við lítum út frá sjónarhóli
annarra, því það er ekki bara hið ytra útlit sem þeir
sjá, það er persónuleikinn, fasið, hin almenna „sögu-
persóna,“ sem einnig hefur sterk áhrif á þá, sem hitta
okkur, allt það, sem við þekkjum ekki, því speglar,
myndir og önnur áþekk þarfaþing, geta aðeins sýnt
okkar ytri ásýnd.
Svo hvað þá um guð? Hvernig lítur hann út?
MORGUNN 61