Morgunblaðið - 19.04.2009, Síða 7

Fréttir 7
MORGUNBLAÐIÐ SUNNUDAGUR 19. APRÍL 2009
um ofsóknum í valdatíð talibana.
„Hypjið ykkur, hórurnar ykkar“
Þegar um 300 konur sýndu það
hugrekki að mótmæla setningu lag-
anna í Kabúl um miðja liðna viku
mætti þeim þrefalt stærri hópur, sem
jós yfir þær formælingum á borð við
„Hypjið ykkur, hórurnar ykkar“,
hrækti á þær og grýtti.
„Ef karlmaður vill kynmök getum
við ekki neitað,“ var haft eftir Fatimu
Husseini, sem var meðal kvennanna í
mótmælagöngunni. „Það þýðir að
konur eru eins konar eign, sem karl-
ar geta notað eins og þeim sýnist.“
Á mánudag undirritaði Azif Ali
Zardari, forseti Pakistans og ekkill
Bhutto, lög um innleiðingu íslamsks
réttar, sharía, í Swat-dal, sem er í
héruðunum, sem liggja að landamær-
um Afganistans. Undirritun laganna
var reyndar aðeins staðfesting á
orðnum hlut. Því bar vitni mynd-
skeið, sem barst til fjölmiðla í byrjun
mánaðar og sýndi hvar ung stúlka á
táningsaldri var hýdd á almannafæri.
Ekki er vitað fyrir víst hvað stúlkan
átti að hafa til saka unnið, en hermt
er að hún hafi hafnað bónorði víga-
manns úr röðum talibana og hann
hafi vænt hana um siðleysi. Á öðru
myndskeiði, sem sýnt hefur verið í
fjölmiðlum, sést hvar maður er hýdd-
ur opinberlega vegna samkyn-
hneigðar.
Bókstafstrúarmenn í Pakistan fara
fram í krafti ógnar, en þeir hafa einn-
ig nýtt sér gjánna milli yfir og und-
irstétta í landinu til að ala á óeiningu.
Í Pakistan hefur í raun ríkt léns-
skipulag til sveita og nú hrekja talib-
anar burt þá sem ráðið hafa landinu,
iðulega í krafti spillingar, og veifa
góssinu sem eftir verður framan í
bændur um leið og þeir gera þá að
liðsmönnum sínum. Fréttaskýrendur
telja að þessi aðferð gæti jafnvel orð-
ið til þess að valdastétt landsins verði
sópað burt.
Bandaríkjamenn hafa gagnrýnt
lagasetninguna í Pakistan og segja að
hún verði vatn á myllu talibana og
hryðjuverkasamtakanna al-Qaeda,
sem hafa átt griðastað í norðvest-
urhéruðum Pakistans. Verði sókninni
á hendur talibönum í Pakistan hætt
muni þeir fá næði til að veita talib-
önum í Afganistan liðsinni einmitt
þegar Barack Obama Bandaríkja-
forseti hyggst senda 17 þúsund
manna liðsauka þangað til að efla
sóknina gegn þeim.
Meira að segja er hermt að talib-
anar í Afganistan hafi sent samn-
ingamenn til Pakistans ekki alls fyrir
löngu til þess að falast eftir stuðningi
þeirra og aðstoð í baráttunni gegn
stjórn landsins og herliðinu, sem er í
Afganistan undir merkjum Atlants-
hafsbandalagsins.
Obama ætlar hins vegar ekki að-
eins að beita valdi í Afganistan, held-
ur hyggst einnig freista þess að ná til
hófsamra talibana og reyna að kljúfa
þá frá harðlínumönnum, sem styðja
al-Qaeda. Spurningin er hins vegar
hvort Bandaríkjamenn eru þar með
tilbúnir að kyngja því réttarfari, sem
talibanar vilja koma á.
Sú niðurstaða væri ekki beinlínis í
anda þeirra markmiða, sem lýst var
yfir þegar ráðist var inn í Afganistan
og stjórn talibana steypt af stóli.
Reuters
Mótmæli Konur úr röðum sjíta
mótmæltu á miðvikudag í Kabúl
svokölluðum fjölskyldulögum, sem
skerða frelsi þeirra og meina þeim
meðal annars að neita eiginmönn-
um sínum um kynlíf.
TENGLAR
..............................................
http://blogs.channel4.com/
snowblog/2009/04/03/pakistan-
tracing-the-flogging-footage/
Nicholas Kristoff,
dálkahöfundur
The New York
Times, skrifaði
um mótmæli
kvenna í Kabúl á
miðvikudag: „Ég
dáist verulega að
hugrekki þessara
kvenna, en ég hef
áhyggjur af bakslagi. Afganar eru
mjög þjóðernissinnaðir og konurnar
eru í dag úthrópaðar sem peð krist-
inna manna og útlendinga. Munum
að í fyrra Flóastríði 1991 mótmæltu
konur í Sádi-Arabíu og kröfðust þess
að fá að keyra bíl og mótmælin vöktu
gríðarlega athygli. Þegar upp var
staðið ollu þau hins vegar körlunum
slíkri reiði og ótta að baráttan fyrir
réttindum kvenna í Sádi-Arabíu tafð-
ist. Ég vona að það gerist ekki hér
vegna þess að Afganistan mun ekki
geta þróast efnahagslega og náð
stöðugleika á meðan stúlkum er
haldið heima og konum að mestu
haldið utan vinnuaflsins.“
AÐDÁUNARVERT
HUGREKKI