Saga - 1951, Síða 51

225
Hlutverk félagsins er tekið fram í 1. gr. laga
þess, er hljóðar svo:
„Það er upphaf laga vorra, að félag vort heitir
Sögufélag, og er ætlunarverk þess að gefa út
heimildarrit að sögu íslands í öllum greinum
frá því á miðöldum og síðan, og í sambandi við
þau ættvísi og mannfræði þessa lands“.
Sögufélagið hefur nú starfað hálfa öld og
gefið út ýmis rit á hverju ári nema 1905. Það
ár féll útgáfan niður sökum fjárskorts. Ritin
eru að jafnaði talin í Skýrslu Sögufélagsins í
réttri röð eftir því, hvenær útgáfa þeirra var
hafin, en þau hafa flest komið út í heftum. Hér
verður sá háttur hafður að flokka þau nokkuð
eftir efni til gleggra yfirlits.
a) Mannfræðirit. Frumkvöðlar stofnunar
Sögufélagsins höfðu mikinn áhuga á mannfræði
og ættvísi, og hefur félagið mjög sinnt þeim
efnum alla tíð. Það hefur gefið út þessar ævi-
sögur: 1) Biskupasögur sira Jóns Halldórsson-
ar með ýmsum viðaukum, í tveimur bindum
(Rv. 1903-1915). Hafði dr. Jón Þorkelsson
aðalumsjón með útgáfu I. bindis, þótt ýmsir
aðrir ynnu að því, en Hannes Þorsteinsson ann-
aðist útgáfu II. bindis að mestu leyti einn. —
2) Ævisögu Gísla Konráðssonar eftir sjálfan
hann (Rv. 1911-1914). Jón J. Aðils og Jóhann
Kristjánsson ættfræðingur sáu um útgáfu henn-
ar. — 3) Ævisögu síra Jóns Steingrímssonar
eftir sjálfan hann (Rv. 1913-1916). Dr. Jón
Þorkelsson bjó undir prentun. — 4) Skólameist-
arasögur síra Jóns Halldórssonar og síra Vig-
fúsar Jónssonar, ásamt gömlum skólaröðum o.
fl. (Rv. 1916-1925). Hannes Þorsteinsson bjó
Saga.15