Morgunblaðið - 18.12.2009, Side 2

LÍFEYRISSJÓÐNUM Gildi var
heimilt að skerða lífeyrisgreiðslur til
öryrkja vegna lífeyris- og bóta-
greiðslna frá almannatryggingum,
samkvæmt dómi Hæstaréttar Ís-
lands, sem kveðinn var upp í gær.
Margrét Marelsdóttir höfðaði mál
gegn sjóðnum eftir að hann skerti líf-
eyrisgreiðslur til hennar með vísan
til breyttra reglna. Réttur til örorku-
lífeyris skyldi, sem fyrr, aldrei vera
hærri en sem næmi þeim tekjumissi
sem sjóðfélagi hefði sannanlega orð-
ið fyrir sökum örorku. Breytingin fól
í sér að við slíkan útreikning skyldi
taka tillit til greiðslna úr almanna-
tryggingakerfinu. Eftir breytingu
hefur Gildi einungis greitt Margréti
hluta þess sem hún naut fram að
þeim tíma.
Ráðuneytisstjóri
ekki vanhæfur
Margrét hélt því fram að óheimilt
hefði verið að skerða örorkulífeyri
hennar. Fallist var á þá kröfu fyrir
héraðsdómi þar sem ráðuneytis-
stjóri í fjármálaráðuneytinu hefði
verið vanhæfur til að staðfesta
breytingar á reglum Gildis. Hæsti-
réttur taldi hins vegar að ekki hefði
reynt á hæfið, þar sem hann hefði
hvorki staðfest breytingarnar né
komið að meðferð málsins. Margrét
taldi ennfremur að lífeyrisréttur
hennar væri eign, sem nyti verndar
eignarréttarákvæðis stjórnarskrár.
Hæstiréttur féllst ekki á að stjórn-
arskrá girti fyrir skerðingu lífeyris
með þeim hætti sem gert var.
Gildi taldi óhjákvæmilegt að vinna
að því að almannatryggingar tækju
með einum eða öðrum hætti við
stærri hluta örorkutrygginga, en
það væri forsenda fyrir því að lífeyr-
issjóðir gætu staðið myndarlega við
það meginhlutverk að tryggja ellilíf-
eyri sjóðfélaga. Taldi Hæstiréttur að
málefnalegar ástæður hefðu þannig
búið að baki breytingum á reglum
sjóðsins. bjarni@mbl.is
Gildi mátti skerða líf-
eyrisgreiðslur öryrkja
Hæstiréttur taldi ekki hafa reynt á hæfi ráðuneytisstjóra
UNDRUN og aðdáun var í svip drengsins sem fagnaði
jólasveinunum á jólaballi leikskólans Aðalþings í Kópa-
vogi í gær. Ballið var haldið utandyra í veðurblíðunni
og að sjálfsögðu var dansað í kringum jólatréð, sem
börnin höfðu sjálf sótt upp í Heiðmörk. Þau sáu líka um
að skreyta tréð með aðstoð starfsfólks leikskólans.
SVEINKA FAGNAÐ Í AÐALÞINGI
2 FréttirINNLENT
MORGUNBLAÐIÐ FÖSTUDAGUR 18. DESEMBER 2009
Frumleg og flott dagatalsbók með
myndskreyttum hugleiðingum.
Góð fyrir
skapið og
skipulagið!
Jólagjöfin hennar
Við styrkjum
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti vidsk@mbl.is
Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Arnór
Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
„Við erum í algjöru sjokki, þetta
er reiðarslag,“ segir Guðmundur
Magnússon, formaður Öryrkja-
bandalags Íslands. Hann segir að
leitað verði hófanna um að koma
málinu fyrir mannréttinda-
dómstól Evrópu. „Það má segja
að lífeyrissjóðirnir séu búnir að
fá skotleyfi á öryrkja.“ Lengi
hafi verið bent á óréttlætið í því
að lífeyrissjóðir skerði greiðslur
sínar til öryrkja í samræmi við
þær greiðslur sem þeir fá frá al-
mannatryggingakerfinu.
Guðmundur lýsir þessu sem
víxlverkun á milli kerfanna
tveggja. Fyrst lækki lífeyrissjóð-
urinn sína greiðslu. Þá hækki
greiðslan úr almannatrygging-
unum eitthvað, en ekki sem því
nemur. Þá lækki lífeyrissjóð-
urinn sína greiðslu enn meira.
Þetta endi oftar en ekki með því
að ekkert komi frá sjóðnum.
Sjóðirnir komnir með skotleyfi á öryrkja
Eftir Bjarna Ólafsson
bjarni@mbl.is
EIGIÐ fé Hafnarfjarðarbæjar árið 2009 er nei-
kvætt upp á um 760 milljónir króna og gerir fjár-
hagsáætlun ráð fyrir því að það verði neikvætt
upp á 360 milljónir króna árið 2010. Samanlagðar
eignir A- og B-hluta bæjarsjóðs eru 37,5 millj-
arðar króna, en skuldir nema í ár 38,2 milljörðum.
Á næsta ári er gert ráð fyrir því að eignir nemi
36,6 milljörðum en skuldir 37 milljörðum króna.
Lúðvík Geirsson bæjarstjóri segir þessar tölur
ekki í takt við raunveruleikann, því eftir sé að færa
í bækur eignir eins og lóðir og regnvatnsveitu.
„Þá er í gangi vinna við endurmat á ákveðnum
eignum bæjarins. Þegar því verkefni lýkur mun
staða bæjarins batna til muna, en sem dæmi má
nefna að lóðir að verðmæti um 10 milljarðar króna
hafa ekki enn verið færðar í bækur,“ segir Lúðvík.
Óbreytt verðlag og gengi
Í áætlun bæjarins er gert ráð fyrir því að af-
gangur upp á 400 milljónir verði á samanlögðum
rekstri A- og B-hluta. Afgangurinn verði um 690
milljónir árið 2011, 860 milljónir árið 2012 og um
milljarður árið 2013.
Forsendur áætlunarinnar eru að verðlag og
gengi verði óbreytt og að skatttekjur aukist um
3% árin 2012 og 2013. Á næsta ári er gert ráð fyrir
fjárfestingum í fasteignum, götum, hafnarmann-
virkjum og fleira að fjárhæð 825 milljónir króna.
Næstu ár eftir það er í áætluninni ekki gert ráð
fyrir miklum fjárfestingum, en áætlanir um slíkt
verða endurskoðaðar þegar línur skýrast um fjár-
mögnun þeirra. Skuldbindingar fyrir utan efna-
hag hafa minnkað til muna eftir að Nýsir varð
gjaldþrota og hafa skuldbindingar vegna fyrir-
tækisins verið færðar til bókar. Eftir standa
skuldbindingar vegna eins grunnskóla og tveggja
leikskóla.
Í áætluninni segir að lykilatriði sé að standa
áfram vörð um velferðarmál og grunnþjónustu.
Jafnframt er horft til nýrrar sóknar í uppbygg-
ingu atvinnumála. Sérstaklega verður litið til auð-
linda Hafnarfjarðar í vatns- og orkulindum og vel
staðsettum atvinnusvæðum.
Kveikjunni, frumkvöðlasetri, var komið á fót í
október í ár, en Kveikjan er samstarfsverkefni
nokkurra sveitarfélaga á höfuðborgarsvæðinu og
Nýsköpunarmiðstöðvar Íslands og eru nú í setr-
inu átta sprotafyrirtæki.
Eigið fé Hafnarfjarðar neikvætt
 Skuldir umfram eignir nema í ár 760 milljónum króna  Bæjarstjóri segir eftir
að færa miklar eignir til bókar, sem bæta muni stöðu bæjarins umtalsvert
Morgunblaðið/RAX
Bær Kreppan hefur bitnað á Hafn-
firðingum eins og öðrum.
MAÐURINN sem lést í sjóslysi við
Skrúð, þegar vélbáturinn Börkur
frændi NS fórst, hét Guðmundur
Sesar Magnússon. Hann fæddist ár-
ið 1952 og lætur eftir sig eiginkonu
og fjögur uppkomin börn.
Guðmundur var sjómaður en best
þekktur fyrir baráttu sína gegn
fíkniefnum. Árið 2002 kom út bókin
Sigur í hörðum heimi eftir Þórunni
Hrefnu Sigurjónsdóttur þar sem
hann sagði frá baráttu sinni við að
frelsa dóttur sína úr viðjum vímu-
efna.
Lést í sjóslysi
Guðmundur Sesar
Magnússon
MEIRIHLUTI kjósenda, sem greiddu atkvæði í þjóðarkosningu Eyjunnar.is
um ríkisábyrgð á Icesave-skuldbindingunum, vill að Alþingi synji ríkis-
ábyrgð. Samtals kusu 7.454. 69,6% vildu að Alþingi synjaði ríkisábyrgð á
Icesave-samkomulaginu og 28,8% vildu að Alþingi samþykkti ríkisábyrgð.
1,6% tóku ekki afstöðu. Spurningin sem lögð var fyrir kjósendur var: „Vilt
þú að Alþingi samþykki eða synji ríkisábyrgð á Icesave-samkomulaginu við
Breta og Hollendinga?“ Svarmöguleikar voru þrír: „Alþingi samþykki rík-
isábyrgð“, „Alþingi synji ríkisábyrgð“ og „Tek ekki afstöðu.“
70% vilja hafna Icesave
FLUGI Ice-
land Express
frá Kaup-
mannahöfn í
gær var frest-
að um tvær
klukkustund-
ir. Mikið snjó-
aði ytra og
fjöldi farþega sem var á leiðinni í
flug náði ekki á Kastrupflugvöll,
þar sem fólk var fast í bílum og lest-
um.
Farþegarnir sem ekki náðu á
flugvöllinn í tíma voru um sjötíu
talsins. Þeir létu vita af sér og hjá
flugfélaginu var þá tekin sú
ákvörðun að bíða eftir fólkinu, sem
sumt hvert var með ung börn á leið
heim í jólafrí. Flugvélin lenti hér
heima kl. 16:22.
„Farþegar voru þakklátir og við
töldum nauðsynlegt að doka við því
fólk var teppt vegna óviðráð-
anlegra aðstæðna,“ sagði Matthías
Imsland, framkvæmdastjóri Ice-
land Express. sbs@mbl.is
Frestuðu
flugi vegna
snjókomu