Morgunblaðið - 18.12.2009, Blaðsíða 33

Umræðan 33BRÉF TIL BLAÐSINS
MORGUNBLAÐIÐ FÖSTUDAGUR 18. DESEMBER 2009
ÍSLAND er númer þrjú á lista yfir
þau orð sem mest var leitað eftir er
varðaði efnahag og efnahagsástand á
Google. Ísland er
þar t.d. á undan
leitum tengdum
Barack Obama.
Þarna er leit-
arorðið ‘Iceland’ í
félagsskap ann-
arra frasa eins og
‘crisis’ (krísa/
kreppa), ‘reces-
sion’ (samdráttur/
efnahagslægð) og
‘great depression’
(kreppan mikla). Nær öll orðin á
þessum lista eru neikvæð.
Listi Google yfir mest notuðu
efnahagstengdu leitarorðin:
1. crisis
2. cash for clunkers
3. Iceland
4. California
5. Recession
6. Obama
7. unemployment rate
8. Green
9. great depression
10. inflation
Mikið hefur verið rætt um þá um-
fjöllun sem Ísland hefur fengið,
rannsóknir Nordic eMarketing hafa
bent til þess að yfirgnæfandi fjöldi
þeirra greina sem fjallað hafa um
landið undanfarið ár hafi verið nei-
kvæður eða í besta falli hlutlaus. Í
dag hefur þetta eitthvað breyst til
batnaðar en betur má ef duga skal og
er brýnt að takast á við þetta vanda-
mál á mun skipulagðari hátt en fram
að þessu, þar mun Netið leika lyk-
ilhlutverk.
Það er mjög mikilvægt að við ger-
um okkur grein fyrir þeim tækifær-
um sem felast í Netinu fyrir þetta
litla land og hvernig á að nota það
sem hluta af ímyndarsköpun og
markaðssetningu þess.
Þetta undirstrikaði Rob Snell sem
nýlega kom til Íslands og hélt fyr-
irlestur um markaðssetningu á Net-
inu og hvernig það getur skipt sköp-
um. Hann endaði fyrirlestur sinn á
því að segja að stundum væri það
versta sem gerist í raun það besta,
spurningin væri aðeins hvernig tæki-
færið væri notað.
Framundan eru nokkur erfið ár,
ár sem geta ef rétt er að farið skapað
verðmæti í gegnum t.d. vörusölu og
með auknum fjölda ferðamanna til
Íslands. Þessu má öllu ná með Net-
inu einu saman.
KRISTJÁN MÁR HAUKSSON,
ráðgjafi.
Er Ísland í
vanda á Netinu?
Frá Kristjáni Má Haukssyni
Kristján Már
Hauksson
NÚVERANDI forseta Íslands,
Ólafi Ragnari Grímssyni, hefur
tekist að verða sá umdeildasti í
sögu lýðveldisins. Nýverið sagði
tæpur þriðjungur aðspurðra að
hann óskaði eftir afsögn forsetans.
Fyrri forsetar hafa notið vaxandi
virðingar með lengri setu en því er
öfugt farið með fimmta forsetann.
Þjóðina skiptir máli hvern mann
forsetinn geymir.
Án þess að gagnrýna tilgang og
virðingu embættisins sem slíks má
hins vegar gagnrýna þann ein-
stakling sem notar það sem einka-
fyrirtæki á skjön við hagsmuni
þjóðarinnar. Þær raddir sem í
kjölfar bankahrunsins benda á
hlutdeild Ólafs Ragnars Gríms-
sonar í bankaútrás einstakra auð-
manna eiga fullkomlega rétt á sér.
Grundvöllur samskonar viðhorfs
endurspeglast í stjórnarskránni,
að forsetinn skuli einungis þiggja
laun frá ríkissjóði. Með þessu er
átt við að forsetinn skuli engum
öðrum vera háður en íslenska rík-
inu í umboði þjóðarinnar. Einka-
fundir til að koma á viðskipta-
samböndum milli einkaaðila verða
illa útskýrðir að sniðgengnum
þjóðarhag. Forsetafrú, sem
dásamar dýrmæta steina sína í
tískublöðum heims, vekur spurn-
ingar um hvort og hvenær eig-
inmaður hennar gegnir hlutverki
forsetans eða skartgripasalans.
Ekki bætir úr skák að rannsókn-
arnefnd Alþingis þarf formlega að
krefja forsetann greinargerðar
vegna bréfaskrifta í nafni embætt-
isins.
Flestum landsmönnum má í dag
vera ljóst hvaða hópur einn og sér
hagnaðist á því að forsetinn neitaði
að staðfesta lög Alþingis um dreif-
ingu eignarhalds á fjölmiðlum.
Sami hagsmunahópur og nú hefur
skapað stærsta gjaldþrotabú frá
upphafi landnáms. Að slepptu fjöl-
miðlataki má vænta betra starfs-
umhverfis fyrir kjörna embætt-
ismenn lýðveldisins. Ég býst samt
ekki við að forsetinn neiti í annað
sinn að staðfesta lög Alþingis. Í
þetta skiptið mundi það þó bjarga
sjálfstæði þjóðarinnar að stöðva
fyrirhuguð lög um ríkisábyrgð
Tryggingarsjóðs bankanna.
Í ljóðinu glataði Ólafur liljurós
lífinu vegna táls álfameyjar í
björgum. Liljurós raunveruleikans
hefur breytt æðsta embætti lýð-
veldisins í bleikan ná.
Fyrir þær sakir má Ólafur
Ragnar Grímsson týna forsetatitli
sínum sem allra fyrst.
GÚSTAF ADOLF SKÚLASON,
smáfyrirtækjarekandi í Svíþjóð.
„Ólafur reið með björgum fram,
villir hann, stillir hann“
Frá Gústaf Adolf Skúlasyni
MENNIRNIR eru hættir að
drekka en fylleríð mun halda áfram
(Baldur Hermannsson 11. sept-
ember 1986.). Afi minn Gestur Guð-
mundsson „veitingamaður“ sagði að
drykkjusjúklingum væri ekki
treystandi fyrir neinu. Samt voru
það svona menn sem sem treyst
var fyrir öllum helstu fyrirtækjum
þjóðarinnar og nú var ekki engur
sullað í brennivíni heldur fjölfölduð
skuldabréf. Þegar nýsköpunartog-
ararnir voru búnir að drekka upp
þjóðarauðinn í formi svartolíu sótt-
ust Bandaríkjamenn eftir aðstöðu
hér til hernaðarnota og bitu ráða-
menn á til að bjarga efnahagnum
fyrir horn.
3000 menn komust fljótlega í vel
borgaða vinnu hjá hernum og
Raggi í Raggabúð hlóð pýramída úr
skeinipappírsrúllum út í glugga
strax og hann var fáanlegur aftur
eftir 1950 kreppuna. Kaninn kom
efnahagslífinu í gang aftur og nú
vildu vinstri menn komast að
brauðfatinu. Efnt var til kosninga
’56, búið var til hræðslubandalag
sem átti að tryggja meirihluta á
þingi með liðlega 40% kjörfylgi.
Ekki virkaði þetta alveg samkvæmt
hönnunarforsendunum en úr varð
vinstristjórn sem færði út landhelg-
ina og keypti tólf tappatogara frá
Austur-Þýskalandi. Af því að tog-
ararnir voru mun ódýrari en reikn-
að var með fengum við bland í poka
fyrir afganginn. Þar á meðal voru
200 vöru- og sendibílar (GARR-
ANT) sem voru gerðir til notkunar
á sléttu landi. Ef hiti var undir
frostmarki komust þeir ekki upp
gömlu Ártúnsbrekkuna með fjóra
sementspoka.
Þessi stjórn sem hafði lofað svo
miklu hrökklaðist svo frá haustið
’58. Hannibal var félagsmálaráð-
herra í stjórninni og kom á skyldu-
sparnaði ungmenna sem lagði
grunninn að nútíma byggingaiðnaði
(Árbæjar- og Breiðholtshverfi).
Þegar ýmislegt hafði verið tekið úr
tappatogurunum, s.s. ankerisspil og
kjölfesta, reyndust þeir afbragðs
síldveiðiskip og unnu sem slík ára-
tugum saman. Ásgeir forseti sá að
eitthvað varð að gera af viti, svo
hann fór að hanna ríkisstjórn. Varð
það viðreisnarstjórnin, vitrasta
stjórn sem setið hefir á Íslandi. Var
hún skipuð einvalaliði úr öllum
stéttum undir foystu Ólafs Thors
og eftir andlát hans Bjarna Bene-
diktssonar, sem nú er sagt að hafi
verið vondur við sína menn.
Sá er þetta ritar var einu sinni á
skipi þar sem skipstjórinn rak
fjórðunginn af áhöfninni, við fisk-
uðum mest af öllum (Þormóður
Goði RE). Ef menn standa sig ekki
verður einhver að vera vondur.
Svo flókinn sem heimurinn er
orðinn þarf að vera hægt að velja
úr fleiri en 300 þúsund manns til
þess að fá nothæft fólk í ríkisstjórn.
Ágæt lausn á þeim vanda er að
gera efnahagsbandalag með Fær-
eyingum og Norðmönnum sem
myndu þá slá putta okkar manna
áður en fylliríið byrjar.
GESTUR GUNNARSSON,
Flókagötu 8 Reykjavík.
USNA II
Frá Gesti Gunnarssyni Jólasveina-
tvímenningur BR
Mikið var um jólasveina á síðasta
spilakvöldi BR fyrir jól. Hlutskarp-
astir á endasprettinum urðu (Jóla)
Sveinn Þorvaldsson og Guðlaugur
Sveinsson. Fengu þeir dýrindis
jólamat í verðlaun en mikið var um
útdráttarverðlaun fyrir þá sem
mættu með jólasveinahúfur. Efstu
pör:
59% Guðl. Sveinss. - Sveinn Þorvaldss.
58,7% Gylfi Baldurss. - Sig. B Þorsteinss.
57,3% Helgi Sigurðss. - Helgi Jónsson
57% Stefán Jóhannss. - Sverrir Kristinss.
56% Guðný Guðjónsd. -
Halldóra Magnúsd.
Stjórn BR óskar spilurum öllum
gleðilegra jóla
Bridsfélag
Hafnarfjarðar
Staðan jafnaðist mikið á öðru
kvöldinu í aðalsveitakeppninni og
sveit Maríu Haraldsdóttur er á
toppnum með 77 stig.
Sveit Guðlaugs Bessasonar er
næst með 75 stig og sveit Guðlaugs
Sveinssonar í þriðja sæti með 74
stig. Sjá nánar á heimasíðu Brids-
félags Hafnarfjarðar á bridge.is
BRIDS
Umsjón Arnór G.
Ragnarsson| norir@mbl.is
afsláttur
30%
„ÁTAKANLEG,
HEILLANDI,
DULARFULL
OG DÁSAMLEG“
3.840 kr.verð áður 5.490 kr
afsláttur
30% afsláttur30%
3.490 kr.verð áður 4.990 kr 3.840 kr.verð áður 5.490 kr
Laugavegi 54,
sími 552 5201
Flott fyrir jólin
Ný sending
af kjólum
og skokkum
Stærðir 36-48
20% AFSLÁTTUR