Morgunblaðið - 18.12.2009, Blaðsíða 22

22 FréttirERLENT
MORGUNBLAÐIÐ FÖSTUDAGUR 18. DESEMBER 2009
Eftir Boga Þór Arason
bogi@mbl.is
LEIÐTOGAR margra ríkja heims
sögðust í gær telja að loftslagsþing
Sameinuðu þjóðanna í Kaupmanna-
höfn bæri ekki tilætlaðan árangur.
Líklegt þótti að samkomulag næðist
ekki um lagalega bindandi sáttmála
um að draga úr losun gróðurhúsa-
lofttegunda og beðið yrði með hann
þar til á loftslagsráðstefnu sem ráð-
gerð er í Mexíkó á næsta ári.
„Þetta er mjög erfitt, en ekki
ómögulegt,“ hafði danska ríkis-
útvarpið eftir Lars Løkke Rasmus-
sen, forsætisráðherra Danmerkur,
um líkurnar á lagalega bindandi
samkomulagi á loftslagsþinginu sem
lýkur í dag. Danir höfðu þurft að
falla frá áformum um að leggja fram
drög að samkomulagi, m.a. vegna
tortryggni fulltrúa þróunarlanda
sem töldu dönsku embættismennina
draga taum auðugra iðnríkja í deil-
um þeirra við þróunarlöndin. Løkke
Rasmussen sagði þetta torvelda
samningaviðræðurnar þar sem tveir
vinnuhópar umhverfisráðherra
þyrftu nú að leggja drög að tveimur
samningum, annars vegar um fram-
hald Kyoto-bókunarinnar og hins
vegar um víðtækara samstarf sem
ekki er lagalega bindandi.
Setur skilyrði fyrir aðstoð
Fulltrúar Evrópusambandsins
sögðust hafa miklar áhyggjur af því
hversu illa hefði miðað í samninga-
viðræðunum. Gert er ráð fyrir því að
um 120 þjóðarleiðtogar taki þátt í
viðræðunum á lokadegi þingsins.
Hillary Clinton, utanríkisráðherra
Bandaríkjanna, sagði í gær að
bandaríska stjórnin styddi tilboð
þróaðra iðnríkja um að veita þróun-
arlöndum aðstoð að andvirði 100
milljarða dollara á ári fyrir 2020 til
að hjálpa þeim að draga úr losun
gróðurhúsalofttegunda og takast á
við afleiðingar loftslagsbreytinga.
Clinton sagði ekkert um hversu mik-
ið fé Bandaríkjastjórn væri tilbúin
til að leggja af mörkum og setti
nokkur skilyrði fyrir aðstoðinni.
Hún sagði að aðstoðin yrði ekki veitt
nema lagalega bindandi sam-
komulag næðist og aðstoðin væri
einnig háð því að ný efnahagsveldi á
borð við Kína yrðu við kröfum
Bandaríkjamanna um gagnsæi og
alþjóðlegt eftirlit með því að þau
standi við loforð sín um að takmarka
losun gróðurhúsalofttegunda. Kín-
verjar hafa verið tregir til að sam-
þykkja slíkt eftirlit.
Fulltrúar Kína hafa sagt síðustu
daga að samningamennirnir geti í
mesta lagi gert sér vonir um póli-
tískt samkomulag, þar sem mark-
miðunum er lýst í grófum dráttum
og lofað er frekari samninga-
viðræðum á næsta ári.
Nokkur Afríkuríki hafa sagt að
tilboð auðugu iðnríkjanna um 100
milljarða aðstoð á ári sé ófullnægj-
andi en önnur þróunarlönd segjast
geta sætt sig við þá fjárhæð.
Litlar líkur á bindandi sátt
Reuters
Hlýnun Börn strjúka burt snjó á hnattlíkani í Kaupmannahöfn. Tólf daga loftslagsþingi SÞ í borginni lýkur í dag.
 Ólíklegt talið að loftslagsþing Sameinuðu þjóðanna beri tilætlaðan árangur  Talsmaður Obama
Bandaríkjaforseta segir að „innantómur“ sáttmáli yrði verri en ekkert samkomulag á loftslagsþinginu
Í HNOTSKURN
» Talsmaður BaracksObama Bandaríkjaforseta
sagði í gær að „innantómur“
loftslagssáttmáli yrði verri
niðurstaða en ekkert sam-
komulag á loftslagsþingi SÞ.
» Mahmoud Ahmadinejad,forseti Írans, sagði á lofts-
lagsþinginu í gær að öll ríki
heims þyrftu að geta nýtt
„hreina og endurnýjanlega
orkugjafa á borð við vind-, sól-
ar-, sjávarfalla-, jarðvarma-
og kjarnorku“.
Bandaríski öldungadeildar-
þingmaðurinn og repúblikaninn
James Inhofe fór til Kaup-
mannahafnar í von um að geta
grafið undan fyrirheitum Baracks
Obama um aðgerðir til að draga úr
losun gróðurhúsalofttegunda.
„Við ætlum ekki að samþykkja
frumvarp um loftslagsbreytingar,“
sagði Inhofe. Hann bætti við að
einu Bandaríkjamennirnir sem
hefðu áhyggjur af loftslagsbreyt-
ingum væru „yfirstéttarmenn í
Hollywood“.
Áhyggjuefni „yfirstéttarmanna í Hollywood“
ARTURO Beltran Leyva, leiðtogi eins af illræmdustu
eiturlyfjasmyglhringjum Mexíkó, beið bana í skotbar-
daga við hermenn í fyrradag, að sögn hers landsins í gær.
Beltran Leyva var 47 ára og kall-
aður „Foringi foringja“. Hann er í
þriðja sæti á lista yfirvalda í Mexíkó
yfir þá sem þau leggja mesta áherslu
á að handsama. Yfirvöldin höfðu lofað
jafnvirði 190 milljóna króna fyrir upp-
lýsingar sem leiddu til handtöku hans.
Fall Beltrans Leyva er álitið mikill
sigur fyrir Felipe Calderon, forseta
Mexíkó, en hann hefur lagt mikla
áherslu á baráttuna gegn eiturlyfja-
smyglhringum sem eru orðnir mjög
áhrifamiklir í samfélaginu, hafa mikil
ítök í lögreglunni og stjórnkerfinu. Blóðug átök milli
eiturlyfjasmyglhringa, einkum vegna baráttu þeirra um
smyglleiðir til Bandaríkjanna, hafa orðið til þess að
svæðið meðfram landamærunum að Bandaríkjunum er
orðið eitt af hættulegustu svæðum heims. Talið er að yfir
14.000 manns hafi beðið bana í Mexíkó á síðustu þremur
árum í átökum og árásum sem tengjast eiturlyfjasmygl-
hringum.
Beltran Leyva var á meðal 43 Mexíkómanna sem
bandarísk yfirvöld hafa ákært fyrir eiturlyfjasmygl. Þeir
eru sagðir hafa smyglað nær 200 tonnum af kókaíni og
miklu magni heróíns til Bandaríkjanna. Beltran Leyva
féll ásamt þremur félögum sínum í átökum við hermenn.
Fjórði glæpamaðurinn fyrirfór sér eftir að hermenn um-
kringdu hann í aðgerð sem herinn hafði undirbúið í
marga mánuði með aðstoð leyniþjónustunnar.
Þrír hermenn særðust þegar þeir urðu fyrir sprengju-
brotum í átökunum í Guernavaca, 350.000 manna borg
sem er vinsæll ferðamannastaður og hefur verið kölluð
„Borg hins eilífa vors“. Átökin voru svo hörð að flytja
þurfti marga íbúa á nálægan íþróttaleikvang. bogi@mbl.is
„Foringi foringja“
féll í skotbardaga
Reuters
Bardagi Mexíkóskir hermenn handtaka óþekktan mann
eftir skotbardaga við eiturlyfjasmyglara í Cuernavaca.
Arturo Beltran
Leyva
TVEGGJA ára piltur í Brasilíu er á
gjörgæsludeild sjúkrahúss eftir að
40 nálar fundust innan í líkama
hans. Lögreglan segir að stjúpfaðir
piltsins hafi játað að hafa stungið
nálunum í hann. Maðurinn segir að
hjákona sín hafi sagt honum að
deyða barnið með svartagaldri til
að hefna sín á eiginkonu hans.
Móðir piltsins fór með hann á
sjúkrahús á sunnudaginn var eftir
að hann hafði kvartað yfir maga-
verkjum og kastað upp. Á röntgen-
myndum sáust tugir nála innan í
hálsinum, búknum og fótunum. Að
minnsta kosti einni nálanna var
stungið í lunga og annarri í lifrina.
Læknar sögðu að flestar nálanna
yrðu fjarlægðar með skurðaðgerð
en þó ekki þær sem eru í líffær-
unum, þar sem það gæti valdið
meiri skaða ef reynt yrði að fjar-
lægja þær.
Móðir piltsins á sex börn og gift-
ist manninum fyrir hálfu ári. Hún
kveðst hafa fengið grun um að pilt-
urinn hefði verið beittur einhvers
konar svartagaldri þegar hún hefði
fundið grunsamlega hluti á heimili
þeirra.
„Hann gerði þetta til að hefna sín
á eiginkonu sinni,“ sagði lög-
reglustjóri bæjarins Ibotirama.
„Frilla hans sagði honum að drepa
barnið með hryllilegri svarta-
galdursathöfn.“
Stakk 40 nálum í barn til að hefna sín