Fréttablaðið - 12.11.2011, Blaðsíða 10

12. nóvember 2011 LAUGARDAGUR10
SPÁNN Gosið á hafsbotni við
Kanarí eyjar er enn í fullum gangi,
andstætt því sem kom fram í frétt
blaðsins í gær.
Páll Einarsson, jarðeðlisfræð-
ingur hjá Jarðvísindastofnun
Háskóla Íslands, segir að gosið sé
nokkuð merkilegt.
„Það er nokkuð breytilegt frá
degi til dags hversu mikið sést til
gossins. Um daginn var nokkuð um
að sprengingar rufu hafflötinn og
hentu upp gosefnum nokkra metra.
Annars kemur þetta mest fram
sem dökkur blettur og loftbólur.“
Nokkuð var um vangaveltur þess
efnis að ný eyja gæti risið þar úr
sæ, en Páll efast um það.
„Eldstöðin er á talsverðu dýpi,
um 400 metrum upphaflega, og í
talsverðum bratta. Það er aðdjúpt
þarna og því ekki víst að eyja yrði
langlíf á þessum stað, þó hún næði
að myndast.“
Páll bætir því við að nokkur kurr
sé meðal íbúa sem séu ekki vanir
slíku, en helst sé óttast að gas geti
valdið usla. Því hafi verið gripið til
talsverðra varúðarráðstafana.
„Það er bær á ströndinni og
hafa íbúar þar verið fluttir á brott
nokkrum sinnum, einkum ef óvissa
hefur skapast um atburðarásina,“
segir Páll að lokum. - þj
Eldgos á hafsbotni við eina af eyjunum í Kanaríeyjaklasanum:
Gosið er enn í fullum gangi
ÍBÚAR SKELKAÐIR Páll segir að íbúar
á eyjunni El Hierro séu óvanir gosum,
enda hefur ekki gosið á þessu svæði
síðan 1971. FRÉTTABLAÐIÐ/APÁ STULTUM Í BANGKOK Þessi
maður komst þurrum fótum leiðar
sinnar í höfuðborg Taílands, þar sem
flóðavatnið gerir fólki enn lífið leitt.
NORDICPHOTOS/AFP
DÓMSMÁL Ríkissaksóknari hefur
ákært tæplega þrítugan karl-
mann fyrir vímuefnaakstur og
hótanir.
Manninum er gefið að sök að
hafa í september á síðasta ári
ekið undir áhrifum fíkniefna
og áfengis um bifreiðastæði við
Hátún.
Þegar tveir lögreglumenn
höfðu afskipti af honum vegna
athæfis hans á bifreiðastæðinu
hótaði hann þeim og fjöl-
skyldum þeirra lífláti og
líkamsmeiðingum. - jss
Ók undir áhrifum vímuefna:
Hótaði að slasa
og lífláta tvo
Alla virka daga kl. 18.00
Disovery Channel er fáanleg í ALLT FRÆÐSLA TOPPUR LANDSBYGGÐ
HEILBRIGÐISMÁL Oddfellow-regl-
an mun annast innréttingar og
tækjabúnað í nýrri álmu við líkn-
ardeild Landspítalans í Kópavogi.
Björn Zoëga, forstjóri Land-
spítalans, segir Oddfellow áður
hafa skilað sams konar verki
þegar líknardeildin í Kópavogi
var stofnuð 1998 og síðan aftur
um miðjan síðasta áratug þegar
bætt var við dagdeild og fimm
daga deild. Segja megi að Odd-
fellow hafi verið með deildina í
Kópavogi í fóstri.
„Það má segja að þetta sé síð-
asti þriðjungurinn,“ segir Björn
um verkefnið sem nú liggur fyrir
hjá Oddfellow-mönnum.
Loka á líknardeild Landspítal-
ans á Landakoti með níu pláss-
um og koma fimm plássum fyrir
í staðinn í álmu sem nú stendur
tóm í Kópavogi. Sjúkrarúmunum
í heild fækkar því um fjögur og
verða alls þrettán.
Björn segir Oddfellow innrétta
tómu álmuna og búa hana tækjum.
„Þeir brjóta niður veggi og setja
upp aðra, annast iðnaðarstörf og
kaupa tæki og gefa fé. Þetta er
eins og þeir hafa áður gert; að sjá
alveg um að taka fokhelt húsnæði
og skila því fullbúnu,“ segir hann.
Björn vonast til að fram-
kvæmdir hefjist fljótlega og að
hægt verði að opna nýju álmuna
í febrúar. Gróflega megi meta
framlag Oddfellow-reglunnar að
þessu sinni til um áttatíu millj-
óna króna. „Það er frábært sem
Oddfellow-menn hafa gert. Þeir
hafa bara ekki talað um það;
það er þannig sem þeir vinna,“
segir Björn um velgjörðar menn
líknardeildar innar í Kópavogi.
gar@frettabladid.is
Oddfellowar
gefa fullbúna
líknardeild
Landspítalinn sameinar líknardeild á Landakoti við
líknardeild í Kópavogi. Þar mun Oddfellow-reglan
sem fyrr taka að sér að innrétta húsnæðið og búa
tækjum. Framlagið er metið á áttatíu milljónir.
LÍKNARDEILD LANDSPÍTALANS Í KÓPAVOGI Oddfellow-menn munu á næstu vikum
og mánuðum taka til óspilltra málanna og fullbúa á eigin reikning þriðju deildina við
líknardeild Landspítalans í Kópavogi. FRÉTTABLAÐIÐ/HEIÐA
TYRKLAND, AP Að minnsta kosti 22
eru látnir eftir jarðskjálfta í Tyrk-
landi seint á miðvikudag. Jarð-
skjálftinn varð í borginni Van og
var annar mannskæði skjálftinn á
svæðinu á rúmum tveimur vikum.
Tvö hótel hrundu til grunna
í skjálftanum á miðvikudag, en
hann mældist 5,7 á Richter. Meðal
þeirra sem létust eru björgunar-
menn og blaðamenn sem komu
til borgarinnar Van eftir fyrri
skjálftann hinn 23. október. Þá
hafa fundist lík átta manna sem
unnu að byggingu bráðabirgða-
húsnæðis fyrir þá sem misstu hús-
næði sitt þá.
Íbúar í Van mótmæltu í borg-
inni í gær. Þeir segja yfirvöld
ekki hafa rannsakað skemmdir
á byggingum nægilega vel eftir
skjálftann í október. Því hafi
hótel in tvö hrunið nú. Lögreglan
leysti upp mótmælin með pipar-
úða. Ríkisstjórn landsins segist
vera að rannsaka hvort embættis-
menn hafi sýnt af sér vanrækslu
með því að leyfa hótelunum að
starfa áfram.
Enn eru einhverjir fastir í
rústum húsanna tveggja og fara
vonir dvínandi um að fleiri finn-
ist á lífi.
- þeb
Annar jarðskjálftinn á stuttum tíma í Tyrklandi:
22 látnir eftir skjálfta