Fréttablaðið - 12.11.2011, Blaðsíða 115

LAUGARDAGUR 12. nóvember 2011 67
Það hefur ýmsa kosti að vera
í sambandi með frægri Holly-
wood-leikkonu líkt og Justin
Theroux, kærasti Jennifer
Aniston, hefur komist að. Í
hans tilfelli eru kostirnir aukin
frægð og hærri tekjur.
Theroux er nú talinn nógu
frægur til að geta farið fram á
10 milljónir dollara fyrir hverja
kvikmynd sem hann leikur í.
„Hann er kominn á „A-listann“
svokallaða og talinn nógu fræg-
ur til að draga að áhorfendur og
það er allt Jennifer að þakka.
Justin hefur verið að leika í
mörg ár en það var ekki fyrr
en hann byrjaði með Jennifer
að fólk fór að þekkja hann,“ var
haft eftir heimildarmanni.
Rukkar
meira
Hinn 63 ára gamanleikari Billy Crystal
hefur tekið að sér að vera kynnir við afhend-
ingu Óskarsverðlaunanna. Crystal hleypur
í skarðið fyrir Eddie Murphy en hann gaf
frá sér verkefnið þegar leikstjórinn Brett
Ratner neyddist til að hætta sem stjóri hátíð-
arinnar eftir að hafa látið niðrandi orð um
samkynhneigða falla á blaðamannafundi og
síðar í útvarpsþætti Howard Stern.
Crystal þekkir þetta hlutverk sennilega
manna best því þetta verður í níunda sinn
sem hann gegnir því, síðast var það 2004.
Athygli vekur að Óskarsakademían leitar
alltaf til Crystal þegar eitthvað bjátar á eða
þegar hátíðin hefur gengið illa en kynnarnir
í ár, þau James Franco og Anne Hathaway,
þóttu engan veginn standa undir nafni. „Ég
er mjög ánægður því þá geta stelpurnar í
apótekinu hætt að spyrja mig hversu gam-
all ég sé þegar ég sæki lyfin mín,“ skrifaði
Crystal á twitter-síðu sína.
Brian Grazer, sem framleiddi meðal ann-
ars Óskarsverðlaunamyndina A Beautiful
Mind eftir Ron Howard, hefur tekið við af
Ratner sem svokallaður „framleiðandi“ en
það þýðir að hann mun hanna opnunaratriðið
og hafa yfirumsjón með útlitinu. Óskarinn
er næstvinsælasta sjónvarpsefni Bandaríkj-
anna ár hvert en aðeins Superbowl, úrslita-
leikurinn í bandarískum ruðningi, dregur að
fleiri áhorfendur.
Billy Crystal tekur við Óskarnum
Í NÍUNDA SINN
Crystal verður kynnir á Óskarnum í níunda sinn. Hann
segist feginn því nú geti stúlkurnar í apótekinu hætt að
spyrja hann um aldurinn.
NORDICPHOTOS/GETTY
Leikarinn Bradley Cooper er
staddur í heimaborg sinni, Phila-
delphiu, um þessar mundir við
tökur á kvikmyndinni The Silver
Linings Playbook. Cooper ákvað
að láta gott af sér leiða og eyddi
mörg þúsund dollurum í úlpur,
húfur, vettlinga og trefla handa
heimilislausum.
„Bradley tók eftir því að það
var mikið af heimilislausu fólki
að krókna úr kulda á götunum.
Hann vissi að kuldinn átti aðeins
eftir að verða meiri og ákvað
því að kaupa kuldafatnað
handa fólkinu,“ hafði
The Enquirer eftir
heimildarmanni.
Eins og það sé ekki
nóg þá hafði einn
maðurinn orð á
að honum þætti
jakki Coopers
fallegur og
endaði það
með því að
leikarinn
gaf mann-
innum jakk-
ann.
Gjafmildur
leikari
GAFJMILDUR
Bradley Cooper
keypti kuldaföt
fyrir heimilislausa í
Philadelphia.
NORDICPHOTOS/GETTY