Fréttablaðið - 12.11.2011, Blaðsíða 112

12. nóvember 2011 LAUGARDAGUR64
folk@frettabladid.is
Hollenski leikstjórinn Tom Six heimsótti Ísland á fimmtudag og stóð
fyrir svokallaðri spurt og svarað-sýningu í Háskólabíói. Myndin hans,
The Human Centipede 2, er feykilega umdeild en hún var meðal annars
bönnuð í Bretlandi. Henni var að endingu hleypt í gegn eftir að rúmar
tvær mínútur höfðu verið klipptar út en íslenskir áhorfendur fengu að
sjá hana eins og leikstjórinn vildi hafa hana. Eins og Fréttablaðið greindi
frá voru ælupokar til staðar fyrir gesti en enginn þurfti á slíkum að
halda. Umfjöllun um myndina er að finna á síðu 68.
Mannlega margfætlan
Six í Háskólabíói
Six virtist hinn kátasti þegar hann kom í Háskólabíó og skartaði meðal annars hvítum kúrekahatti og
leðurgrifflum. FRÉTTABLAÐIÐ/VALLI
Stefanía, Hafdís og
Stella mættu á The
Human Centipede.
Vogue valdi nýverið best klæddu systurnar og kemur það líklega
fáum á óvart að tvíburasysturnar og fatahönnuðurnir Mary-Kate og
Ashley Olsen hafi trónað á toppi listans.
Mary-Kate og Ashley þykja afskaplega smekklegar og undanfarin
ár hafa þær snúið sér frá leiklist og að hönnun og reka í sameiningu
tískumerkið The Row sem fæst meðal annars í Barneys New York
og Harvey Nichols í London. „Eru til smekklegri, flottari og frum-
legri systur en Mary-Kate og Ashley?“ spyr blaðamaður Vogue, sem
vart má vatni halda yfir persónulegum fatastíl systranna. Meðal
annarra systra sem komust á listann voru Dakota og Elle Fanning,
Charlotte Gainsbourg og Lou Doillon og fyrirsæturnar Ruby og Lily
Aldridge.
Best klæddu systurnar
HÁLFSYSTUR Charlotte Gainsbourg og Lou Doillon eru dætur bresku leik-
konunnar Jane Birkin. Charlotte er að auki dóttir franska tónlistarmannsins Serge
Gainsbourg. NORDICPHOTOS/GETTY
EFNILEGAR Dakota og Elle Fanning
þykja mjög smekklegar og hafa setið
fyrir á auglýsingum fyrir stór tískuhús.
BEST KLÆDDAR Tvíburasysturnar Ashley
og Mary-Kate voru kosnar best klæddu
systur ársins 2011.
6 VIKUR þurfa hjónaleysin Vilhjálmur Bretaprins og Kate Middleton að vera án hvors annars. Í byrjun næsta árs mun prinsinn dvelja á
Falklandseyjum í sex vikur ásamt herdeild sinni.
Það gerist ekki á hverjum degi að sjúkraliðar séu til taks á
kvikmyndasýningu en það hefur komið fyrir á sýningu The
Human Centipede að fólk hefur fallið í yfirlið.
Ásgeir gaf Six teikningu eftir sjálfan sig en eftir
því sem Fréttablaðið kemst næst átti hún að
verða Six að innblæstri fyrir þriðju myndina.