Morgunblaðið - 27.11.2010, Blaðsíða 10

100 Jólablað Morgunblaðsins 2010
F
riðrik S. Kristinsson, söng-
stjóri Karlakórs Reykavík-
ur, er mikið jólabarn. „Ég
hef alltaf verið mikill aðvent-
umaður og hef gaman af að taka þátt í
undirbúningi jólanna,“ segir hann.
Aðventutónleikar karlakórsins í
Hallgrímskirkju eru í huga margra
löngu orðnir ómissandi hluti af há-
tíðarstemningu desembermánaðar.
Tónleikarnir eru nú haldnir átjánda
árið í röð og er auðheyrt á Friðriki
að hann hlakkar mikið til. „Við byrj-
um undirbúninginn strax á haustin
og setjum saman og æfum fallega
efnisskrá sem nær að ramma inn að-
ventuna,“ segir hann og leggur á það
áherslu að um aðventu- en ekki
jólatóneika er að ræða. „Við erum
ekki að syngja inn jólin heldur að
taka þátt í undirbúningi þeirra. Að-
ventan á að snúast um að undirbúa
komu Krists og áherslan því á að-
ventusálma og -lög. En auðvitað
laumum við samt með nokkrum
hefðbundnum jólalögum.“
Magnaður hátíðleiki
Friðrik segir hátíðleika og helgi yf-
ir tónleikunum, sem bæði tónleika-
gestir og kórfélagar hafa fjarskagam-
an af að upplifa. „Það hefur sérstök
áhrif að syngja þessi lög í Hallgríms-
kirkjunni. Leikur Lenku Mátéovu á
Kleis-orgelið hljómar svo undir á
magnaðan hátt,“ segir Friðrik en öllu
er tjaldað til á þessum tónleikum.
„Sveinn Dúi Hjörleifsson, fyrrver-
andi kórfélagi, syngur einsöng með
kórnum. Hann er nýútskrifaður úr
söngnámi í Vínarborg, ungur tenór
frá Akureyri með ákaflega fallega
rödd,“ lýsir Friðrik. „Félagar úr
Drengjakór Reykjavíkur munu einn-
ig syngja og að auki verður undirspil
trompetleikara og pákuleikara.“
Efnisskráin er ekki síst sett sam-
an með það í huga að laða fram
magnaðan hljóminn í kirkjunni og
samspil kórs og orgels. „Orgel og
karlakór hljóma mjög fallega saman
og við notum orgelið óspart. Þegar
svo tveir trompetleikarar leika undir
magnar það blæ hátíðleika. Einnig
eru nokkur a capella-verk á efnis-
skránni sem innanrými kirkjunnar
er ákaflega hentugt fyrir.“
Nýtt og gamalt í bland
Sum lögin á efnisskránni hafa
fylgt tónleikunum í fleiri ár. „Mörg
hafa gestir heyrt áður og þá einkum
sígild íslensk jólalög eins og Nóttin
var sú ágæt ein og Ave María Sig-
valda Kaldalóns. Margir bíða líka
spenntir eftir að heyra Að-
fangadagskvöld Kaldalóns við texta
Stefáns frá Hvítadal,“ segir Friðrik.
„Við höfum einnig skapað þá hefð að
áheyrendur rísa úr sætum og syngja
með í sálmunum Nú gjaldi guði þökk
og Fögur er foldin. Ég hef heyrt á
fjölda gesta að þeim þyki einmitt sá
hluti dagskrárinnar mest ómissandi
enda ómar þá öll kirkjan.“
Ekki er öll efnisskráin eftir ís-
lensk tónskáld og meðal annars
verða þeim Mozart og Händel gerð
góð skil. „Við syngjum Halelújakór
Händels, þótt það verk hafi reyndar
upphaflega ekki verið samið með
karlakór í huga, en ég held að Händ-
el hefði örugglega lagt blessun sína
yfir það hefði hann getað heyrt okk-
ur syngja það.“
Jólatónleikar Karlakórs Reykja-
víkur í Hallgrímskirkju verða laug-
ardaginn 4. desember og sunnudag-
inn 5. desember, kl. 17 og 20 báða
dagana. Efnisskráin verður einnig
flutt í Skálholtsdómkirkju í dag,
laugardaginn 27. nóvember, kl. 16.00.
ai@mbl.is
Morgunblaðið/Árni Sæberg
Jólaskraut Friðrik kórstjóri skreytir fyrir jólin enda mikill aðventumaður.
„Händel hefði örugglega
lagt blessun sína yfir það“
Karlakór Reykjavíkur flytjur m.a. Halelújakórinn á aðventutónleikum sínum.
Tónleikagestir fá að syngja með völdum lögum og heyrist langar leiðir.
SPARILÍNAN
KOMIN
Laugavegi 63 • S: 551 4422
Skoðið
sýnisho
rnin á
www.l
axdal.i
s
Belved
ere
101 jól
hverfisgata 10
sími 5800 101
101hotel@101hotel.is
www.101hotel.is
hátíðarmatseðill undir dönskum áhrifum.
gamalgrónir réttir með nýstárlegum blæ.
alla daga fram að jólum.
borðapantanir í síma 5800 101.