Teningur - 01.10.1991, Qupperneq 31

STOPP
Þ R J U L J O Ð
MORGUNSTUND
Græn vorsól
yfir nýuppvaskaðri borginni
Morgunkaffið runnið niður
með litlausum fréttum
Rautt hár þitt sofandi á koddanum
Eg gangandi út úr húsinu okkar
í gulum jakka
inní tandurhreinan hvítan dag
við hliðið stoppa ég
heyri greinilega í mjög háværri
vckjaraklukkunni
og finnst ailt í einu
að ég sé ekki vaknaður
hrekk þá við
án þess að vakna
og tek um leið eftir
að nýuppvöskuð vorsólin
er sofnuð yfir borginni
þú ert vöknuð og útí glugga
klædd hvítu morgunkaffi
heldur á gulum fréttum í hendinni
og horfir alvarlega yfir garðinn
einsog þú sjáir mig ekki og
niður tandurhreint hár þitt
rennur rauður dagur
þá hrekk ég aftur við . . .
Hann lítur á klukkuna
og sér hann er að verða þrítugur
fólk og bílar
þjóta hjá á tvöföldum hraða
þyngslalega og undurhægt
snýr hann sér við
lítur upp æpir með brostinni röddu
sem berst um síðir
gegnum svarthvíta þvögu
hraða og tíma
þyngslahægt gegnum tvöfalt fólk
rödd sem lítur upp þrítug
brostin klukka snýr
hraðgengum vísi
gegnum fólk og bíla
29