Teningur - 01.10.1991, Side 66

FRÁ RITSTJÓRN
Teningur, 10. hefti, kemur út nokkru
síðar en til stóð, því að ætlunin var að
þetta hefti kæmi út haustið 1990. Frá
og með 7. hefti var tímaritið gefið út
í samvinnu við Almenna bókafélagið
en með þessu 10. hefti lýkur því sam-
starfi. Hugmyndin með samstarfinu
var að efla útgáfu tímaritsins, renna
undir það styrkari stoðum og jafna
útgáfutíðni. Staðreyndirnar eru hins
vegar þær að forlaginu hefur um tíma
gengið örðuglega að standa við skuld-
bindingar í sambandi við útgáfu
ritsins. Hefur því orðið að ráði að
hverfa aftur til fyrri hátta við útgáf-
una og koma þannig út þessu hefti
sem var fullbúið til prentunar
snemma sumars. I kjölfar þessara
breytinga verður eðli málsins sam-
kvæmt að endurmeta forsendurnar
fyrir útgáfunni. Þeim áskrifendum
sem hafa haldið tryggð við tímaritið
er þakkaður stuðningurinn og vonast
til þess að hann verði samur sem áður
að þessu sinni.
G.H.
64