Birtingur - 01.12.1961, Qupperneq 28

Jacques Prevert.
BARBARA
Mundu það Barbara
það rigndi án afláts í Brest þann dag
ag þarna gekkst þú brosandi
blómleg inndæl og heillandi
í regninu
Mundu það Barbara
Það rigndi án afláts í Brest
Og ég mætti þér í Síamsgötu
Og þú brostir
Og ég brosti einnig
Mundu það Barbara
Þú sem ég ekki þekkti
Þú sem mig ekki þekktir
Mundu það
Mundu þó alltaf þennan dag
Gleymdu því ekki
I anddyri stóð maður einn
Og kallaði nafn þitt
Barbara
Og þú hljópst til hans í regninu
Blómleg inndæl og heiIlandi
Og þú fleygðir þér í fang honum
Mundu þetta Barbara
Og vertu ekki reið þó ég þúi þig
Eg þúa alla þá sem ég elska
Jafnvel þó ég sjái þá aðeins einu sinni
Ég segi þú við alla sem elskast
Jafnvel þá sem ég ekki þekki
Mundu þetta Barbara
Gleymdu því ekki
Regninu góða og sæla
Um andlitið þitt sæla
I borginni þeirri sælu
Regninu á sjónum