Íslenskt mál og almenn málfræði - 01.01.1987, Blaðsíða 151

Ritdómar
149
skipta f tvennt. í fyrri hluta eru léttari textar, ljóð o.f!., ýmist samdir af höfundi eða
öðrum. Þar í hópi eru þekktir höfundar af yngri kynslóðinni. í seinni hluta eru þyngri
textar, ljóð og sögukaflar eftir nokkra þekktustu höfunda þjóðarinnar auk þjóðsagna.
Flestir þessara kafla eru prýðisgóðir enda þótt alltaf megi deila um val á höfundum
og efni. Flestum textunum fylgja nokkrar bókmenntalegar spumingar og í fyrri hluta
em einnig nokkur málfræðileg atriði tekin til athugunar. Þau hefðu hins vegar mátt
vera miklu fleiri. Þess skal getið að fyrir öllum höfundum er gerð lítillega grein aftast
í textahefti.
Að ytra útliti eru bækumar ágætlega úr garði gerðar. Letur er skýrt og texti fer vel
á síðu. Beygingadæmi eru vel aðgreind frá öðru lesmáli og koma vel fyrir augað. í
seinna hefti eru nokkrar myndir og teikningar og innan á kápu beggja bindanna eru
kort af fslandi og sérkort af Faxaflóasvæðinu.
Lœriö íslendskt cr bók sem skrifuð er af skynsamlegu viti af höfundi semhefur mjög
gott vald á íslensku, talaðri og ritaðri. Og þrátt fyrir þá galla sem hér hafa verið nefndir
þá eru þeir lítilfjörlegir og kostir bókarinnar miklu fleiri. Ber þar ekki síst að nefna það
máljöfnunar- eða samanburðarviðhorf sem svo mjög er haldið á lofti. Þess ber að geta
að í formála segist höfundur styðjast við íslendska lesibók eftir Jón Helgason og Janus
0ssursson í þeim efnum. En af áralöngum kynnum við höfund veit undirrituð að í því
efni hefði hann vart þurft á þeirri leiðsögn að halda.
Fyrir íslending sem ekkert kann f færeysku er ekki erfitt að lesa þessa bók. Og þar
sem vænta má þess að Færey ingum veitist íslenska ekki s vo erfið má spyrja hvers vegna
málfræðikaflinn var ekki skrifaður á íslensku. Það hefði þjálfað nemendur enn frekar í
málinu.
Það er von min að þessi bók og sú næsta eigi eftir að koma færeyskum nemendum
að miklu gagni og muni stuðla að auknum áhuga á íslensku máli. En til að svo megi
verða þarf ekki aðeins góðar bækur heldur skiptir hlutur leiðbeinandans miklu máli,
menntun hans og viðhorf. Og það væri óskandi að víðar fyndust jafhokar höfundar
þessarar bókar.
Margrét Jónsdóttir
Háskóla íslands,
Reykjavík