Vera - 01.04.2003, Qupperneq 64

/ALÞINGISVAKTIN
»Jóhönnu Sigurðardóttur þarf vart að kynna fyrir lesendum VERU né nokkrum öðrum. Hún
hefur setið lengst allra kvenna á Alþingi eða í 25 ár. Jóhanna er afkastamikili þingmaður og
eins og sjá má á lista yfir fjölda þingmála hér á opnunni á hún met þingkvenna í flutningi
þingmála á nýafstöðnu þingi. Ljóst er að það er ekki í fyrsta skipti sem Jóhanna á það met í
þinginu. En - skyldi hún ekki vera orðin þreytt á öllu argaþrasinu í stjórnmálunum?
Hef brennandi áhuga á að breyta þjóðfélaginu
segir Jóhanna Sigurðardóttir sem hefur setið á Alþingi í 25 ár
„Hreint og beint svar - nei. Áhuginn er
svo brennandi að taka á fjölbreyttum
viðfangsefnum stjórnmálanna og leggja
rnitt af.mörkum til að koma á meira
jafnrétti og réttlæti að mér líður yfírleitt
vel í argaþrasi stjórnmálanna. En vissu-
lega svíður mér oft hve seint gengur að
koma brýnum baráttumálum í höfn,
ekki síst þegar ég er í stjórnarandstöðu
og völdin vantar. Ég er búin að sitja á
þingi frá 1978 og held, satt best að segja,
að ég sé eini þingmaðurinn sem enn sit-
ur á þingi af þeirn mikla fjölda nýrra
þingmanna sem þá kom inn á þing. Ný-
liðunin í þinginu var mjög rnikil 1978
og Alþýðuflokkurinn og Alþýðubanda-
lagið unnu stóra sigra. Þau 25 ár sem ég
hef verið í stjórnmálum hafa verið
spennandi og viðburðarík. Auðvitað er
mér minnisstæðastur sjö ára tími minn í
embætti félagsmálaráðherra. Það var
virkilega áhugavert og ögrandi tímabil.“
„Ýmis mál sem ég hrinti í framkvæmd
úr stóli félagsmálaráðherra, eins og
breyting á húsnæðislöggjöfinni, bæði
með mikilli uppbyggingu félagslegra í-
búða og líka með upptöku húsbréfa-
kerfisins. Enginn stjórnmálaflokkur
hefur talið ástæðu til að hrófla við því
kerfi, þótt ýmsir flokkar hafi barist
hart gegn því á sínum tíma. Ég nefni
líka byltingu sem varð í málefnum fatl-
aðra með breyttri löggjöf og mikilli
uppbyggingu í kjölfarið um land allt.
Ný félagsmálalöggjöf varð líka að veru-
leika, ásamt því að ég kom í gegnum
þingið stofnun umboðsmanns barna
og starfsmenntasjóði, svo eitthvað sé
nefnt. Ástæða er til að nefna að í tíð
minni sem félagsmálaráðherra var
markvisst tekið á jafnréttismálum; ný
jafnréttislöggjöf varð að veruleika þar
sem hlutverki Jafnréttisráðs var breytt
verulega og komið á fót sérstakri
kærunefnd jafnréttismála, auk heim-
ildar fyrir ráðningu jafnréttisráðgjafa
og stofnunar jafnréttisnefnda sveitar-
félaga. Jafnframt var kveðið á um að
leggja ætti framkvæmdaáætlun í jafn-
réttismálum fyrir Alþingi á íjögurra
ára fresti og öllunr ráðuneytum og
stofnunum ríkisins var falið að gera
jafnréttisáætlanir."
Mestu vonbrigðin í pólitíkinni?
„Að það skyldi taka svona langan tíma
að koma á einum stórum jafnaðar-
mannaflokki sem aðhylltist jafnrétti,
félagshyggju og kvenfrelsi og heíði
styrk og burði til að leiða tveggja
flokka stjórn án Sjálfstæðisflokksins.
Sá draumur gæti nú verið í augsýn og
það verður kannski stærsti sigurinn að
hafa átt þátt í að gera þann draum að
veruleika."
Við báðum Jóhönnu að rýna með
okkur í listann yfir fjölda þingmála
sem konur hafa flutt í þinginu í vetur
og báðum um útskýringar á þeim
mikla mun sem er á málafjölda þing-
manna, eða allt frá því að flytja 45 mál
niður í ekki neitt?
„Hver þingmaður hefur sitt vinnu-
Leiðrétting
f síðasta tölublaði VERU áttu þau leiðu mistök sér stað í úttekt Alþingisvaktarinnar á stöðu kvenna á framboðslistum stjórnmála-
flokkanna fyrir alþingiskosningarnar að ranghermt var um fjölda frambjóðenda í fyrstu þremur sætunum á framboðslistum
Framsóknarflokksins. Hið rétta er að um 40% frambjóðenda í þremur efstu sætunum eru konur og er framsóknarfólk beðið vel-
virðingar á þessu.
Annað sem betur hefði mátt fara var að sagt var að þingflokkur Samfylkingarinnar yrði að meirihluta skipaður konum eftir
næstu kosningar ef færi sem horfði og það yrði þá í fyrsta sinn sem það gerðist. Það er að sjálfsögðu ekki rétt því þingflokkur
Samfylkingarinnar er þegar skipaður konum að meirihluta - þær eru einni fleiri en karlarnir. Einnig má geta þess að I þingflokki
Þjóðvaka voru fleiri konur en karlar. Óþarfi er að draga úr hlut kvenna í stjórnmálum - nóg er nú samt.
64 / alþinqisvaktin / 2. tbl. / 2003 / vera