Freyr - 15.04.1966, Blaðsíða 18

196
FREYR
bent á, að nýjustu ákvæði í reglugerð um
mjólk og mjólkurvörur mæla svo fyrir að
3. og 4. flokks mjólk skuli endursend til
framleiðanda hennar.
Hér skal einnig á það bent að fúkkalyf
mega ekki finnast í mjólk, þau spilla mjólk-
inni til vinnslu á öllum mjólkurafurðum og
eru beinlínis skaðleg til neyzlu öllum þeim,
sem hafa ofnæmi fyrir slíkum lyfjum.
Af framanskráðu vona ég að eftirfarandi
atriði séu ljós öllum þorra mjólkurframleið-
enda:
1. Við höfum líkt og aðrar þjóðir við veru-
legt júgurbólguvandamál að stríða,
sem veldur bændastétt landsins veru-
legu fjárhagslegu tjóni árlega í rýrari
afurðum og slátrun kúa með ólæknandi
júgurbólgu.
2. Við erum enn í dag á algjöru frumstigi
í baráttunni við júgurbólguna og verð-
ur ekki öllu lengur hægt að una við
það ástand óbreytt.
3. Nauðsynlegt er að hefjast handa sem
fyrst, og skipuleggja kerfisbundna leit
að júgurbólgu á öllum helztu mjólkur-
framleiðslusvæðum landsins.
4. Til þess að það megi takast þarf að
koma á fót vel búnum rannsóknarstof-
um, sem geta tekið mjólkursýnishorn
til skilgreiningar á júgurbólgugerlum
og athugunar á næmi þeirra gegn beztu
þekktu lyfjum.
Það er allsstaðar talið frumskilyrði fyrir
því að hægt sé að sigrast á júgurbólgunni
eða halda henni í skefjum.
Lokaorð
Vísir að slíkri gerlagreiningu og aðstoð við
bændur er þegar komin á, á Mjólkurbúi
Flóamanna á Selfossi, en þar eru ekki enn
skilyrði til umræddrar kerfisbundinnar leit-
ar að júgurbólgu hjá öllum mjólkurinn-
leggjendum.
Mjólkursamsalan í Reykjavík hefir nú
varið tilsverðu fjármagni til þess að inn-
rétta og fullbúa rannsóknarstofu til slíkra
starfa og standa vonir til, að skipulögð leit
að júgurbólgu geti hafist þar á næstunni,
sem vonir standa til að geti náð yfir fram-
leiðslu- og sölusvæði hennar.
Slíkar rannsóknarstofur eru dýrar í upp-
byggingu og rekstri. En á það skal bent, að
hjá þróuðum landbúnaðarþjóðum er það
talið óhjákvæmilegt að spara hvorki erfiði
né tilkostnað í þessu skyni.
Hjá þeim hefir mikill árangur náðst og
störf rannsóknarstofanna verið hin nauð-
synlega aðstoð dýralækna og bænda í bar-
áttu þeirra gegn júgurbólgu í kúm.
Forráðamenn landbúnaðarins þurfa sem
fyrst að athuga hvaða stuðning slík skipu-
lögð herferð gegn þessum smitnæma og út-
breidda búfjárkvilla má vænta frá stjórnar-
völdunum.
Erlendis, t.d. í Danmörku, eru slíkar rann-
sóknarstofur reknar af almannafé og gilda
þar strangar reglur um meðferð slíkra mála
t. d. ýmis skilyrði, sem mjólkurframleið-
endur verða að uppfylla til þess að verða
slíkrar aðstoðar aðnjótandi.
í Svíþjóð eru slíkar rannsóknarstofur
reknar af búnaðarsamtökum, sem fá ákveð-
inn ríkisstyrk á hvert rannsakað mjólkur-
sýnishorn.
rrsrrrsrNrrsrrsrrrrsrrsrsrrsrrrrrrrrrrsrrsrsrrrrrrrrrrr
HELOSAN - smyrsli á spena
Undanfarin ár hafa Svíar framleitt Helosan-
smyrsli, sem er sótthreinsandi og græðir
sár á spenum.
Einnig nota Svíar þetta smyrsl sem hand-
áburð og það gefist vel þannig.
Guðbjörn Guðjónsson, Laufásvegi 17 hef-
ur flutt inn til reynslu smávegis af þessu
smyrsli, er það í 500 g. plastdósum og 100 g.
túpum.
rrrsrrsrsrrrsrrsrrsrrsrrsrrr'rsrrsrrrrrsrrrrrrrrrrrrrrr