Freyr - 15.04.1966, Page 50

228
FREYR
Mjólkurstöðin á Djúpavogi
Mj ólkursamlag Kaupfélags Berufjarðar tók
til starfa árið 1962.
Ýmsir hafa gert athugasemdir við það, að
hlutast er til um byggingu mjólkurstöðva
á smá stöðum, þar sem mjólkursala er lítil.
Þeim er því að svara, að auðvitað vilja
allir neytendur fá gerilsneydda og hreins-
aða mjólk, jafnt á litlum stöðum og stórum.
Þó að neytendur á Djúpavogi noti ekki sem
neyzlumjólk nema um 30% af því magni,
sem kemur til stöðvarinnar, er rekstur henn-
ar jafnt réttmætur fyrir því. þar að auki er
svo selt smjör og skyr, sem unnið er á staðn-
um. Og svo er ekki hinu að leyna, að í þorp-
inu væri vandræða ástand, ef ekki væri
Mjólkurstöðin, sem Kaupfélagið á og rekur.
Þorsteinn Sveinsson
I sambandi við mjólkurframleiðslu þessa
svæðis, og flutning til stöðvarinnar, er vert
að geta þess, að fyrir byggðarlagið er ómet-
anleg sú samgöngubót, sem til hefur orðið í
sambandi við mjólkurflutninga, og er það
líka atriði, sem vert er að telja með, einkum
í strjálbýlum héruðum.
Kaupfélagsstjórinn á Djúpavogi, Þor-
steinn Sveinsson, er jafnframt stöðvarstjóri.
Mjólkurstöðin tók á móti mjólk, sem hér
segir:
Árið 1964 366.232 kg
— 1965 430.571 —
Mjólkurstöðin
á Djúpavogi