Freyr - 15.01.1982, Qupperneq 52

merkingar við Vestur-Grænland.
Tóku 13 skip frá 5 þjóðum þátt í
merkingunum. Merktir voru 2364
laxar og endurveiddust 183 þeirra
eða 7,7%. Við Grænland veiddust
138, flestir á merkingarárinu. Sex
veiddust í Norður-Ameríku, 41 á
Bretlandseyjunr, 2 í Frakklandi, 3
á Spáni og einn á íslandi.
Á Grænlandsmiðum var safnað
margs konar gögnum varðandi
dreifingu, stærð, aldur og kynferði
laxins, sem þar veiddist. Auk
aldursgreiningar á hreistri voru
einnig könnuð sérkenni í
hreistrinu, sem gætu bent til
uppruna laxanna, sem hreistrið var
tekið af. t>á voru tekin blóðsýni til
rannsóknar á erfanlegum breyti-
leika í eggjahvítu í blóðvatni, en
með þessari aðferð má greina
sundur laxa frá Evrópu og Norður-
Ameríku. Ennfremur voru rann-
sökuð sníkjudýr á laxi í Evrópu og
í Norður-Ameríku, en sú aðferð
reyndist gagnslítil til þess að að-
greina laxastofna frá nefndum
heimsálfum.
Laxarannsóknir í náinni framtíð
Með verulegri aukningu á lax-
veiðum í sjó við Færeyjar sérstak-
lega nú tvö síðustu árin hefur
skapast nýtt ástand í laxveiðimál-
um í þeim löndum sem leggja lax
til veiðanna. Samkvæmt niður-
stöðum af laxamerkingum, sem
áður getur, eiga margar þjóðir þar
hlut að máli, að vísu í mismiklum
mæli. Rannsóknir á laxi á Fær-
eyjasvæðinu eru skammt á veg
komnar. Ef auka á verulega við
þær eins og brýn þörf er á, verður
að koma á samvinnu hlutaðeigandi
landa urn þær, ef umtalsverður ár-
angur á að nást á næstu árum. Al-
þjóðahafrannsóknarráðið hefur
samþykkt að beita sér fyrir að
koma á slíkri samvinnu á svipaðan
hátt og gert var í sambandi við
laxarannsóknir við Vestur-Græn-
land á sínum tíma.
Ef við ætlum okkur að fá
haldbæra vitneskju um, hve mikið
af okkar laxi veiðist á Færeyja-
miðum, verðum við að stórauka
laxarannsóknir okkar, auk þess
92 — FREYR