Tímarit Þjóðræknisfélags Íslendinga - 01.01.1931, Blaðsíða 106

88
TlMARIT ÞJÓÐRÆKNISPÉLAGS ÍSLENDINGA
Rútur þóttist ekki hafa haft til
jafns við Höskuld. Sá skörungs-
skapur Jórunnar, sem hér er getið,
sýnir að hún hafi átt til stórrar
ættar að telja. En að ætt hennar er
hvorki talin í Laxdælu eða Land-
námu, hefir komið til af ókunnug-
leika höfundanna. En vel gæti móð-
urnafn Jórunnar bent á drottning-
una dóttur Bjarma konungs, er ól
tvíburana Hámund og Geirmund,
Hjörvi borna. En þeir voru báðir
landnámsmenn á Ströndum, Geir-
mundur heljarskinn og Björn faðir
Jórunnar. Og þótt svo hafi ekki ver-
ið, að um neinn skyldleika væri að
ræða á nöfnum þeirra, Ljúfvinu
móður Geirmundar heljarskinns og
Ljúfu móður Jórunnar, þá var samt
konungablóðið nógu ríkt, runnið
saman við hersaættina í Sogni, svo
nærri Hallgerði í föðurætt, að mót-
að gæti ættbragð sitt í tiguleik
hennar og svip.
Það er til munnnaælasögn um
það, að Hallgerður sé grafin í Laug-
arnesi. “í Laugamesi liggur nár,
lands að biskupssetri,’’ segir Sig-
urður Breiðfjörð í vísum þeim, er
hann kvað um Hallgerði og standa
í kvæðasafni hans “Smámunum”.
Það er sagt þar með, að einhverju
sinni við líkgröft, hafi þar verið
grafið ofan á bein, er virtust vera
af konu, og svo mikið hár fylgdi,
að bera þótti vott um hárprýði með
afbrigðum,. Var fullyrt, að það
liefðu verið bein Hallgerðar og
höfuðprýði hennar, er þar kom í
ljós. Enda hafa munnmæli þessi
við sterkar líkur að styðjast.
Eftir lát Glúms hafa þau Þórar-
inn og Hallgerður bústaðaskifti.
Plytur hann til Varmalækjar, en
hún fer þá suður í Laugarnes. —
Hvað lengi þau Glúmur og Hall-
gerður hafi verið ásamt, verður
ekki ráðið af sögunni. Það gæti
hafa verið fast að því 10 ár. Því
hafi þau átt fleiri börn en Þorgerði
eina, væri ekki ólíklegt, að þau
Glúmur og Hallgerður hafi átt son,
og að hann einmitt hafi hlotið
höfuðbólið Laugarnes, er verið hafi
í umsjá einhvers ættingja hans, þar
til hann hefir tekið það til fullra
umráða, er hann hefir náð fullum
aldri til. Að Hallgerður hafi farið
þangað vestur eftir víg Þráins —
og þá einmitt farið til sonar síns,
— er hið langlíklegasta. Hefir þá
verið 57 ára.
Af því sem hér er sagt, er mjög
sennilegt, að í Laugarnesi hafi
Hallgerður lifað hinstu stundir æf-
innar, og þar hafi hún verið jörð-
uð.