Tímarit Þjóðræknisfélags Íslendinga - 01.01.1962, Síða 100

82
TÍMARIT ÞJÓÐRÆKNISFÉLAGS ÍSLENDINGA
allt það vinarþel og þann hlýhug, er
frá því streymir. Háskólinn telur það
vissulega eitt af sínum veglegu hlut-
verkum að efla tengslin milli Vestur-
íslendinga og Austur-íslendinga. . . .
Þætti mér vænt um, að þú bærir sam-
stjórnarmönnum þínum í Þjóðræknis-
félaginu innilegar kveðjur og þakkir Há-
skólans fyrir vinarhug þeirra og heilla-
óskir, svo og félagsmönnum, „ef að fyrir
ber“.
f jólakveðju til mín segir Rektor enn-
fremur: „Hið fagurbúna ávarp Þjóð-
ræknisfélagsins var til sýnis hér í Há-
skólanum í október og vakti verðskuld-
aða athygli.“
Er ég vitanlega þakklátur fyrir hin
drengilegu orð Rektors í minn og vorn
garð, og sérstaklega ljúft að flytja þing-
heimi hlýjar kveðjur hans og Háskól-
ans. En eins og kunnugt er, þá eru
sterk tengsl milli Háskóla fslands og
félags vors, því að sumir þeir menn,
sem hæst hefir borið í sögu félagsins,
svo sem þeir dr. Rögnvaldur Pétursson
og Ásmundur P. Jóhannsson, sýndu í
verki ræktarsemi sína til íslands með
stórgjöfum til Háskólans, að öðrum
ógleymdum hér vestan hafs, er hafa
vottað Háskólanum góðhug sinn með
fjárgjöfum eða öðrum hætti.
Hinum framúrskarandi viðtökum, sem
við hjónin áttum að fagna heima á ætt-
jörðinni af hálfu Háskóla íslands og
annarra, hefi ég þegar lýst í ferðaþátt-
um mínum, og einnig getið þar kveðju
þeirrar frá oss Vestur-íslendingum, sem
ég flutti í Ríkisútvarpið. Einu vil ég þó
bæta þar við, er mér fannst bezt eiga
heima í þessari skýrslu. Sigurður Sigur-
geirsson bankaritari, formaður Þjóð-
ræknisfélagsins heima á íslandi, sem vér
höfum átt og eigum góða samvinnu við,
sendi okkur hjónunum í nafni félagsins
gullfallegan blómvönd og bað mig fyrir
kærar kveðjur félagsins og sínar til
félags vors og Vestur-íslendinga. Þeim
kveðjum er mér einkar ljúft að skila á
þessum stað. Lýk ég svo þætti skýrslu
minnar um tengslin og samvinnumálin
við ísland með þessum ljóðlínum mín-
um:
Brúum áfram bróðurhöndum
breiðan, djúpan sjá.
Útgáfumál
Tímarit félags vors kemur út með
svipuðu sniði og áður, undir ágætri rit-
stjórn þeirra Gísla skálds Jónssonar og
Haralds Bessasonar prófessors; skuldar
félagið þeim mikla þökk fyrir störf
þeirra. Guðmann Levy hefir, eins og
áður er vikið að, unnið að söfnun aug-
lýsinga, ásamt Halldóri J. Stefánsson,
með góðri aðstoð þeirra Páls S. Pálsson;
ar skálds og ólafs Hallssonar. í nafni
félags vors þakka ég þeim störf þeirra.
En sökum sí-vaxandi prentunar og
annars útgáfukostnaðar, er ritið orðið,
ef svo má að orði kveða, mjög dýrt í
rekstri. Hefir það mál verið tekið til at-
hugunar á fundum stjórnarnefndar, og
hefir sérstök nefnd það með höndum,
og mun leggja fram ákveðnar tillögur
um það hér á þinginu. En jafnframt vil
ég leggja áherzlu á það, hve merkur
þáttur Tímarit vort hefir verið og er enn
í starfsemi félagsins, enda hefir ritið af
hinum dómbærustu mönnum verið talið
eitt af merkustu tímaritum, sem nú
koma út á íslenzka tungu. Það er hverju
orði sannara, sem sagt var nýlega í rit-
stjórnargrein í Lögbergi-Heimskringu:
„Eitt af mikilvægustu verkefnum félags-
ins er útgáfa þessa ágæta Tímarits.“ Það
veit ég, að vér munum hafa í huga, er
vér ræðum útgáfu þess hér á þinginu.
Þjóðræknisfélagið hefir á liðnu ári,
eins og um mörg undanfarin ár, styrkt
að verðugu hið íslenzka vikublað vort
með $500,00 fjárframlagi. f því sam-
bandi fer ágætlega á því að minnast
þess, að Heimskringla átti nýlega 75 ára
afmæli. Veit ég, að þingheimur tekur
einum rómi undir þær þakkir til hennar,
ritstjóra hennar og annarra hlutaðeig;
enda, sem ég hefi þegar birt í nafni
félags vors.
Skýrslur embættismanna, nefnda og
deilda
Skýrslum féhirðis, fjármálaritara og
skjalavarðar verður útbýtt á þinginu.
Einnig verða fluttar skýrslur milliþinga-
nefnda í Skógræktarmálinu og Minja-
söfnun, en formaður þeirra nefnda er nú
sem áður frú Marja Björnsson. Þakka
ég henni og samnefndarfólki hennar
unnin störf á árinu. Forseta var falið á
síðasta þingi að skipa í minjasafnsnefnd
einn fulltrúa úr hverri deild félagsins.
Af ýmsum ástæðum dróst það hjá mér
að skipa í þá nefnd, og mér mun einnig
hafa sézt yfir að skipa fulltrúa frá tveim
deildum vorum. Bið ég velvirðingar á
drættinum og þeirri yfirsjón minni, en
mun eiga hlut að því, hvar sem ég stend
í sveit í starfinu, að úr þessu verði bætt,
ef nefndin verður skipuð með sama
hætti fyrir næsta ár. Báðar umræddar
nefndir vinna hið þarfasta verk, og eiga
skilið almennan stuðning fólks vors, og
þá skógræktarmálið sérstaklega. Hannes
skáld Hafstein segir spámannlega í hinu
fagra Aldamótakvæði sínu: „Menningin
vex í lundi nýrra skóga“. Ég veit, að
deildir vorar og félagsfólk muni halda
áfram að sýna það í verki, og í vaxandi
mæli, að vér viljum eiga vom þátt í