Fréttablaðið - 15.12.2012, Blaðsíða 48
15. desember 2012 LAUGARDAGUR| HELGIN | 48
Slaufu- og bindismenn
Örn Úlfar Sævarsson textasmiður hjá Fíton
Bindið lafir, slaufan lifir
Gallinn við venjuleg hálsbindi er hversu venjuleg þau eru; fastur hluti af alls konar einkennis-búningum; sérhönnuð til að fela bumbu. Slaufuberinn er hnarreistur gleðimaður með þaninn
brjóstkassa sem lætur hálstauið ramma inn fallegt andlitið. Þess vegna er Securitas-gaurinn með
bindi en James Bond með slaufu. Slaufumaðurinn veit allt en er samt ávallt klár í nýtt ævintýri.
Þess vegna er leigubílstjórinn með bindi en Indiana Jones með slaufu.
Til að fullkomna góða gjöf er bundin slaufa á
pakkann. Þess vegna skaltu fagna sérhverjum
slaufumanni sem þú hittir um hátíðarnar
eins og góðri jólagjöf.
Þetta er sáraeinfalt: Bindið er púpan
en slaufan er fiðrildið. Bindið hangir en
slaufan ber höfuðið hátt. Bindið lafir.
Slaufan lifir!
Hvað áttu margar slaufur? Ekki
nógu margar.
Hvenær byrjaðirðu að nota
slaufur? Þegar ég fermdist.
Uppáhaldsslaufan? Hvíta kjólfata-
slaufan hans afa.
Jakob Hrafnsson markþjálfi
Bindi vekur yndi
Bindi eru tímalaus, glæsileg og viðeigandi við öll möguleg tækifæri, sama hvort um vinnu eða skemmtun er að ræða. Bindi og slaufur eru hálsskraut karlmanna en þar sem ég er frekar
hávaxinn hef ég alltaf kunnað betur við bindi, þar sem það nær frá hálsi niður að belti.
Bindi geta líka verið svo fjölbreytt. Breið og mjó í alls konar litum með mismunandi munstrum
og svo eru auðvitað heilmikil fræði á bak við hina ýmsu hnúta.
Annar kostur við bindi umfram slaufu er sá að þú getur bæði verið mjög virðulegur og fínn en
líka töff á meðan slaufan er yfirleitt mjög virðuleg. Sjáum myndina Reservoir Dogs eftir Tarantino
þar sem leikararnir voru allir í svörtum jakkafötum og hvítri skyrtu og með svart bindi. Þeir hefðu
ekki verið jafn flottir með slaufu.
Hvað áttu mörg bindi? Ég á 43 bindi, flest nota ég en þó eru nokkur þarna ekkert sérstaklega
glæsileg en reglan er einföld, það má aldrei henda bindi.
Hvenær byrjaðirðu að nota bindi? Fyrsta bindið mitt fékk ég að mig minnir fyrir ferm-
inguna mína, en það hefur verið árið 1991. Þetta bindi þótti mjög flott á þessum tíma og ég
var mjög stoltur af því en það hefur ekki elst vel. Ég er nokkuð viss um að ég myndi ekki nota
það í dag en það er enn þá í safninu.
Uppáhaldsbindið? Ég á nokkur bindi sem eru í uppáhaldi og tengist það yfirleitt tilefninu
en ef ég ætti að velja eitt úr þá er það fallegt silkibindi sem Sigga konan mín gaf mér fyrir
nokkrum árum í brúðkaupsafmælisgjöf. Þetta er svart bindi með fallegu munstri og er mikið
notað.
SLAUFA
BINDI
Bindi og slaufa hafa
löngum leikið lykilhlut-
verk í spariklæðnaði
herramanna. Frétta-
blaðið fékk til liðs við
sig tvo menn en annar
er harður stuðnings-
maður slaufunnar og
hinn bindisins, en yfir-
leitt skiptast karlmenn í
tvær stríðandi fylkingar
hvað hálstau varðar. Örn
Úlfar líkir slaufumann-
inum við Indiana Jones
en Jakob segir bindis-
manninn töffara inn að
beini.
SLAUFUBOND Pierce Brosnan notaðist
við slaufu er hann fór með hlutverk
njósnarans fræga en í myndunum
klæðist Bond gjarnan smóking þar sem
slaufa gegnir lykilhlutverki.
BINDISBOND Daniel Craig
breytti út af vananum
þegar hann skartaði
bindi í hlutverki njósnara
hennar hátignar í myndinni
Casino Royale árið 2006.
ÆVINTÝRAMAÐURINN
Indiana Jones lét sig ekki
muna um það að hnýta á
sig bindið áður en hann hélt
fjársjóðsleit sinni áfram, en
hann er leikinn af Harrison
Ford.
BLÚSBRÆÐUR Einkennisklæðnaður
þeirra Dans Aykroyd og Johns
Belushi í myndinni The Blues
Brothers var svört jakkaföt, hvít
skyrta og auð vitað mjó lakkrísbindi
við.