Fréttablaðið - 15.12.2012, Side 134

15. desember 2012 LAUGARDAGUR| MENNING | 94
HVAÐ?
HVENÆR?
HVAR?
SUNNUDAGUR
16. DESEMBER 2012
Hátíðir
14.30 Aðventuhátíð leikbrúðusam-
bandsins UNIMA verður haldin í bóka-
sal Þjóðmenningarhússins, Hverfisgötu
15. Bernd Ogrodnik brúðuleikari
sýnir jólasöguna Pönnukakan hennar
Grýlu áður en sungið verður saman
og dansað í kringum jólatré. Enginn
aðgangseyrir en tekið við frjálsum
framlögum til styrktar Barnastarfs Geð-
hjálparsamtakanna í Gaza.
Upplestur
16.00 Stefán Pálsson, Vilborg Davíðs-
dóttir, Huldar Breiðfjörð og Kristín
Steinsdóttir lesa upp úr bókum sínum á
Gljúfrasteini. Aðgangur er ókeypis.
Uppákomur
11.00 Pottaskefill kíkir í heimsókn á
Þjóðminjasafn Íslands. Aðgangur er
ókeypis.
12.34 Fjölbreytt menningardagskrá
er í boði á Jóladagatali Norræna
hússins. Uppákomur hvers dags eru
gestum huldar þar til gluggi dagatalsins
verður opnaður í upphafi atburðarins.
Listamaðurinn Hugleikur Dagsson gerði
dagatalið í ár.
13.00 Jólasýning Árbæjarsafns verður
opin í safninu. Hægt er að rölta á milli
húsanna og fylgjast með undirbúningi
jólanna eins og hann var í gamla daga.
Auk þess verður ýmis dagskrá í boði.
Aðgangseyrir er kr. 1.100 fyrir fullorðna
en ókeypis fyrir börn, ellilífeyrirþega
og örykja.
17.00 Hugleikur Dagsson býður til jóla-
dagskrár undir heitinu Jólahlaðborð.
Fjölbreytt efni verður á boðstólum og
hinn sanni Hugleiks-andi mun svífa yfir
vötnum. Dagskráin fer fram að Eyjar-
slóð 9 og aðgangur er ókeypis.
Dansleikir
20.00 Dansleikur Félags eldri borgara í
Reykjavík verður haldinn að Stangarhyl
4. Danshljómsveitin Klassík leikur létta
danstónlist. Aðgangseyrir fyrir félaga
FEB í Reykjavík er kr. 1.500 og kr. 1.800
fyrir aðra gesti.
Tónlist
16.00 Andrea Jónsdóttir leikur lög af
hljómplötum á Ob-La-Dí-Ob-La-Da.
Aðgangur er ókeypis.
16.30 Kór Átthagafélags Strandamanna
heldur aðventuhátíð í Bústaðakirkju.
Einsöngvari er Stefán Sigurjónsson,
Vigfús Albertsson flytur hugvekju
og barnakórinn syngur nokkur lög.
Kaffihlaðborð verður að tónleikunum
loknum. Miðaverð er kr. 3.000.
17.00 Jólatónlistarhátíð Hallgrímskirkju
heldur áfram með orgeltónleikum
Björns Steinars Sólbergssonar. Miðaverð
er kr. 2.500 en kr. 1.000 fyrir listvini.
20.00 Hinir árlegu jólatónleikar Breið-
firðingakórsins verða haldnir í Fella- og
Hólakirkju. Aðgangseyrir er kr. 2.000 en
frítt fyrir börn yngri en 12 ára.
Leiðsögn
13.00 Sólveig Aðalsteinsdóttir mynd-
listarmaður leiðbeinir við sköpun jóla-
trés í Listasafni Árnesinga. Allt efni á
staðnum og ókeypis aðgangur. Þetta er
jafnframt síðasti sýningardagur ársins.
Markaðir
11.00 Guðlaug Geirsdóttir keramik-
listakona, Sveinhildur Vilhjálms-
dóttir prjónahönnuður og Íris Einhildur
Sturlaugsdóttur sem vinnur með ull og
textíl verða með vörur sínar í anddyri
Þjóðmenningarhússins.
Upplýsingar um viðburði sendist
á hvar@frettabladid.is
TÓNLIST ★★ ★★★
Ljósið þitt lýsi mér
Mótettukór Hallgrímskirkju
DD
Geisladiskur sem ber heitið Ljósið þitt lýsi
mér inniheldur margt fallegt. Mótettukór
Hallgrímskirkju syngur lög og útsetningar
eftir nokkur íslensk tónskáld undir stjórn
Harðar Áskelssonar. Lögin eru öll af trúar-
legum toga eins og við er að búast. Þarna er
hrífandi tónlist á borð við Heyr, himna smið-
ur eftir Þorkel Sigurbjörnsson, Kvöldvers
eftir Tryggva Baldvinsson og Ave María
eftir Hjálmar H. Ragnarsson. Ýmislegt
fleira er líka magnþrungið, en svo eru þarna
tónsmíðar sem missa marks. Söngurinn er
vissulega prýðilegur en þegar efnisskráin er
blanda af mörgum nýlegum verkum verður
útkoman óhjákvæmilega misjöfn.
Með geisladiskinum fylgir DVD-diskur,
en þar er um hálftíma löng heimildarmynd
um kórinn. Hún er eftir Heimi Hlöðvers-
son. Það verður að segjast eins og er að hún
er ekki góð. Uppistaðan er viðtöl við nokkra
aðstandendur kórsins. Einnig er þar mynd-
efni af starfi hans á tónleikum, ferðalögum
og æfingum. Undir viðtölunum er endalaus
kórtónlist – maður spyr sig til hvers. Kór-
söngurinn er svo ofnotaður að hann verður
fljótt pirrandi. Rétt beiting kvikmyndatón-
listar skapar stemningu, undirstrikar það
sem myndin fjallar um. Það hefur ekki tek-
ist hér.
Myndefnið er fyrirsjáanlegt, jafnvel
klisjukennt. Stundum hefði maður viljað
sjá eitthvað annað en endalausar myndir
af kórnum við ýmsar kringumstæður. Til
dæmis hefði verið viðeigandi að sjá frá guðs-
þjónustu, helgimyndir – eitthvað svoleiðis,
þegar fjallað er um það trúarlega sam-
hengi sem kórinn starfar í. Heimildarmynd-
ina skortir fagmennsku og smekkvísi. Sem
er undarlegt þegar svo fínn kór er annars
vegar. Jónas Sen
NIÐURSTAÐA: Góður söngur en misgóð lög,
og heimildarmynd um kórinn hefði mátt vera
betri.
Prýðilegur söngur en ofnotuð kórtónlist
GEFÐU JÓLAPAKKA STÖÐVAR 2
JÓLAPAKKINN INNIHELDUR ÁSKRIFT AÐ STÖÐ 2 AUK
ÞESS SEM MASTERCHEF SVUNTA FYLGIR FRÍTT MEÐ
Þú færð jólapakka Stöðvar 2 í verslunum Hagkaups í Skeifunni,
Garðabæ, Smáralind og Kringlunni.
Jólapakkinn gildir frá 23 des. 2012 til 3. feb. 2013