Fréttablaðið - 15.12.2012, Blaðsíða 144
15. desember 2012 LAUGARDAGUR| MENNING | 104
„Mig langaði til að breiða út boð-
skapinn með því að deila upp-
skriftunum að vettlingunum í stað
þess að geyma þetta allt í skúffu
hjá mér,“ segir Margrét María
Leifsdóttir, höfundur prjónabók-
arinnar Vettlingar/Mittens.
Í bókinni má finna uppskriftir
að tólf vettlingum þar sem Mar-
grét María hannaði litrík og fjöl-
breytileg munstrin undir áhrifum
frá nokkrum af sínum uppáhalds-
tískuhönnuðum. Þar má meðal
annars finna vettlinga í stíl við
klæðnað frá Kron by Kronkron,
Mary Katrantzou, Soniu Rykiel og
Marni.
Margrét María, sem er fiðlu-
smiður og verkfræðingur að
mennt, segir prjónamennskuna
vera sitt aðaláhugamál. „Ég hef
lengi verið að bauka við að prjóna
og sauma. Hugmyndin að vett-
lingunum fæddist þegar ég var
að vafra um á netinu í leit að inn-
blæstri og datt í hug að nota mynd
frá tískupallinum og yfirfæra
munstrin og litina í klæðnaðinum
yfir á vettlinga. Það tókst svo vel
til að ég hélt áfram að þróa þessa
hugmynd,“ segir Margrét María,
en útkoman var tólf skemmtilegar
vettlingauppskriftir.
Margrét María fullyrðir að þrátt
fyrir að vettlingarnir séu bæði lit-
ríkir og munstraðir sé ekkert erf-
iðara að prjóna þá en venjulega
vettlinga. Nákvæmar leiðbeining-
ar eru í bókinni sem inni heldur
tvær grunnuppskriftir að vett-
lingaprjóni og er bæði á íslensku
og ensku. Samhliða bókinni er
Margrét María að selja vettlinga
í búðunum Epal og Kraum. Hún
segist enn þá geta sinnt eftir-
spurninni sjálf og situr því flest
kvöld þessa dagana með prjón-
ana í hönd. „Þetta er ágætt fyrir
framan sjónvarpið eða bara í stað-
inn fyrir sjónvarpsgláp. Í augna-
blikinu er síðasta uppskriftin í
bókinni í uppáhaldi, vettlingar
innblásnir af Mary Katrantzou,
en hún er nýjust.“ alfrun@frettabladid.is
Vettlingar innblásnir
af tískupöllunum
Fiðlusmiðurinn og verkfræðingurinn Margrét María Leifsdóttir á heiðurinn af
nýrri vettlingabók sem kom út fyrir stuttu. Prjónamunstrin eru innblásin af vel
völdum tískuhönnuðum dagsins í dag en uppskrift ir bókarinnar eru tólf talsins.
LITRÍKIR OG MUNSTRAÐIR VETTLINGAR Margrét María Leifsdóttir hannaði litrík
og skemmtileg vettlingamunstur í bókinni Vettlingar undir áhrifum frá nokkrum af
helstu tískuhönnuðum dagsins í dag. FRÉTTABLAÐIÐ/GVA
SONIA RYKIELKENZO
„Jólin hafa alltaf verið mjög annasamur tími
heima á Íslandi þar sem ég hef verið að stökkva
á milli jólaballa og jólaskemmtana. Hér hef
ég verið í algerri afslöppun, náð að baka fleiri
sortir og verja meiri tíma með fjölskyldunni
sem er bara yndislegt,“ segir Björgvin Franz
Gíslason sem býr með fjölskyldu sinni í Minne-
sota og ver jólunum þar þetta árið.
Björgvin hefur einu sinni áður varið jólunum
utan Íslands og var hann þá hjá foreldrum
sínum í San Diego. „Það var svolítið eins og
einhver hefði gleymt jólaskrautinu uppi að
sumri til,“ segir hann. Jólin í Minnesota verða
þó líkari því sem hann þekkir héðan. „Við
fluttum inn alvöru íslenskan hamborgarhrygg
eins og hann gerist bestur. Það er erfitt að
beygja út af gamalli jólahefð. Við erum svo
heppin að mamma og Róbert bróðir ætla að
verja jólunum með okkur hérna úti og frændi
minn býr hérna ásamt konu og börnum svo ég
verð sannarlega umvafinn fjölskyldu og vinum
á jólunum,“ segir Björgvin.
Spurður segir Björgvin íslensku jólasveinana
leggja á sig langferðina og heimsækja Íslend-
inga í útlöndum líka. „Þeir eru svo samvisku-
samir þessir bræður, víla ekki fyrir sér að smella
sér hingað út til að gefa þægum og góðum
börnum í skóinn,“ segir hann.
Eiginkona Björgvins, Berglind, er í námi þar
ytra og Björgvin er í fullu starfi sem heimavinn-
andi húsfaðir og hugsar um dætur þeirra tvær,
Eddu Lovísu og Dóru Maríu. „Þegar stelpurnar
eru í skólanum skrifa ég svo eins og vindurinn
handrit að nýrri bíómynd. Ég smellti mér á
námskeið hjá einum af gúrúunum í handrita-
gerð hérna, Syd Field, og er búinn að læra
þvílíkt af því,“ segir Björgvin Franz.
- trs
BJÖRGVIN FRANZ GÍSLASON VER JÓLUNUM MEÐ FJÖLSKYLDUNNI Í MINNESOTA
Jólasveinar og hamborgarhryggur
Leikkonan Sarah Jessica Parker
var stödd í Ósló á dögunum þar
sem hún sá um að kynna Nóbel-
tónleikana fyrr í vikunni. Parker
kom með mikið fylgdarlið með sér
til Ósló en hún óskar þess líklega
að hafa skilið förðunardömuna,
Leslie Lopez, eftir heima.
Sú var nefnilega stöðvuð á Gar-
dermoen-flugvellinum í Ósló á leið
sinni úr landi með leikkonunni.
Lopez hafði þá sést stela rándýr-
um sólgleraugum úr fríhöfninni
og var gert að greiða 180 þúsund
króna sekt, ásamt því að brottför
þeirra seinkaði um klukkutíma.
Förðunardaman segir atvikið
byggjast á misskilningi.
Aðstoðarkonan stöðvuð
NÁIN SAMSTARFSKONA Förðunar-
dama Söruh Jessicu Parker var tekin
fyrir þjófnað í heimsókn leikkonunnar
til Ósló á dögunum. NORDICPHOTOS/GETTY
FJÖLSKYLDAN Í MINNESOTA Björgvin og Berglind ásamt dætrum sínum
við Itasca-þjóðgarðinn. Björgvin segir enga leið að útskýra magatöskuna.
„Einhver myndi segja tískuslys,“ segir hann.