Fréttablaðið - 15.12.2012, Blaðsíða 52

15. desember 2012 LAUGARDAGUR| HELGIN | 52
Quality Street sælgætið, sem Íslendingar kalla gjarn-an Mackintosh, er ómissandi hluti af jólahaldi margra. Hér á landi seljast vel yfir hundrað tonn af þessum litskrúðugu molum fyrir hver einustu jól, en þeir bárust fyrst hingað til lands með sjó-mönnum um miðbik 4. áratugarins. Upphaflega var
það enska konfektgerðin Mackintosh‘s sem fram-
leiddi sælgætið, en árið 1988 keypti svissneski sælgætis risinn
Nestlé fyrirtækið.
Í gegnum tíðina hefur óvinsælli molum verið skipt út en þeir
vinsælustu hafa haldið sessi sínum í áldósinni fagur skreyttu
áratugum saman. Allir eiga sinn uppáhaldsmola og kjaftasögur
ganga um skiptimolamarkaði í vel földum skemmum víðs vegar
um bæinn. En hvaða moli er raunverulega sá besti? Til þess
að skera úr um það setti Fréttablaðið saman fjölmennt rann-
sóknarteymi, skipað sjálfskipuðum Mackintosh-spekingum um
land allt, og niðurstöðurnar eru skýrar.
Toffí, tvíreykt
og tannlausir
afar
Tímarnir breytast og molarnir með, en ást
Íslendinga á „Mackintosh“-konfektinu deyr
aldrei. Hvort sem þú spyrð sóknarprest eða
femínista, alþingismann eða íþróttakenn-
ara, þá á hann sinn uppáhaldsmola.
Haukur Viðar
Alfreðsson
haukur@frettabladid.is
Baldur Ragnarsson tónlistarmaður ● Baldvin Esra Einarsson
útgefandi ● Birna Geirfinnsdóttir bókahönnuður ● Björn Kristjánsson
tónlistarmaður ● Erla María Davíðsdóttir fjölmiðlafræðingur ●
Guðmundur Steingrímsson alþingismaður ● Guðný Lára Thorarensen
tónleikahaldari ● Guðrún Dís Emilsdóttir útvarpsmaður ● Gunnar
Lárus Hjálmarsson tónlistarmaður ● Haukur Dór Bragason goði ●
Haukur S. Magnússon ritstjóri ● Helga Ragnarsdóttir listakona ● Helga
Þórey Jónsdóttir femínisti ● Jens Guðmundsson skrautskriftarkennari
● Lóa Hjálmtýsdóttir tónlistarmaður ● Ólafur Torfi Ásgeirsson
netsérfræðingur ● Ólína Þorvarðardóttir alþingismaður ● Óttar M.
Norðfjörð rithöfundur ● Stefán Magnússon íþróttakennari ● Svavar
Alfreð Jónsson sóknarprestur ● Yngvi Eysteinsson útvarpsmaður
➜ Álitsgjafar Fréttablaðsins
2 SÁ FJÓLUBLÁI The Purple One
„Þarna ertu með allt sem til þarf.
Súkkulaði, karamella og svo hneta svo
að hann sé hollur.“
„Fimmtán svona handtíndir, glas af
ískaldri mjólk og einhver öskrar: „Hver
kláraði alla bestu molana!?““
„Elegant moli. Einstaklega gott hlutfall
milli súkkulaðis og karamellu og svo
kemur hnetan einhvern veginn alltaf á
réttu augnabliki.“
3SÁ BLEIKI Vanilla Fudge
„Huggulegur undir tönn og er einn
fárra mola sem ég get hakkað í mig.“
„Hann nær að dansa á línunni. Rosa-
lega sætur án þess að vera væminn.“
„Þessi hefur verið í uppáhaldi hjá
mér síðan ég var krakki. Dísætur með
einhverju óræðu en ótrúlega góðu
bragði.“
TÚKALLINN
Toffee Penny
Skiptar skoðanir voru á þessum, en túkallinn er elsti molinn
í bauknum og hefur haldist nær óbreyttur frá upphafi.
„Heil karamella í gegn klikkar aldrei. Langbesti molinn í
tunnunni. Aðrir molar eru í raun uppfylling.
„Einn mest óþolandi konfektmoli sögunnar. Helmingurinn fer ofan í
maga, hinn helmingurinn festist í tönnunum á þér.“
„Fullnæging í nammiformi.“
„Ég óttast að þessi moli geti raunverulega rifið
fyllingar úr tönnunum á fólki.“
„Skítakaramella sem gerir ekkert fyrir mig. Alveg steindautt nammi.“
1 JARÐARBERJAÓGNINStrawberry Delight
Nánast allir voru sammála um
þann versta, en þessi mjúki
maukmoli þykir allt of sætur og
framkallaði harðari viðbrögð en
eðlilegt er að konfekt geti gert.
Hann er Svarthöfði og Jar Jar Binks
í einum og sama molanum.
„Smeðjulegasta nammi sem til
er – eins og þetta væri fyllt með
barnatannkremi með tyggjóbragði.“
„Allt of væmið. Verstur.“
„Það hljóta allir að vera sammála
um þetta skrímsli. Í mínum huga er
Strawberry Delight gróft mannrétt-
indabrot.“
„Ef allt nammi væri eins og þessi
moli myndi ég aldrei borða nammi.“
2„HINN“ GUMSMOLINN Orange Creme
„Þessi er eins og frændi sinn, jarðar-
berjadraslið. Alltaf á botninum þegar
hinu hefur verið góflað upp.“
„Af öllu því sem sælgætisgerðarfólki
hefur dottið í hug þá er appelsínu-
súkkulaði versta hugmyndin. Að
auki er þetta draslútgáfa af þessu
vítiskombói.“
„Stórslys, bragðlaukarnir vita ekkert
hvernig þeir eiga að snúa sér, passar
illa í góm og eftirbragðið fylgir
manni inn í eilífðina.“
3KÓKOSKLÚÐRIÐ Coconut Eclair
„Kókos á ekki heima í sælgæti.
Kókos hefur eyðilagt ótal sælgætis-
og konfektmola um víða veröld.
Aumingja súkkulaðið sem hlýtur þau
grimmu örlög að umvefja kókos.“
„Tuggin flasa í súkkulaðihjúp.“
UMDEILDUR
1FINGURINN Toffee Finger
Sigurvegarinn vann naumlega á
stigum, en hann birtist á listum
langflestra. Hann virðist höfða til
allra aldurshópa, enda mýkri en hinir
toffímolarnir og einkar skemmti-
legur í laginu, Lengd hans gerir það
að verkum að hann stendur oftar en
ekki teinréttur upp úr nammiskálinni,
áberandi og auðveldur að grípa í.
„Hann er guðdómlegur og hefur allt það
besta til að bera: Seigt karamellutoffí
undir tönn og súkkulaði sem bráðnar
í munninum á meðan maður nístir
karamelluna. Mmmmm… “
„Fljótur að hverfa úr dollunni og það
eru ekki bara börnin sem hamstra hann,
maður sér virðulegar frænkur laumast
í hann og tannlausa afa skella honum í
vestisvasa.“
„Langbesti molinn, og klárast alltaf
fyrst. Alls staðar. Ég hef sótt jólaboð á
Selfossi og á Sauðárkróki. Alltaf byrja
ég á því að hreinsa upp nokkra mola
sem ég nota síðar sem gjaldmiðil. Allir
elska fingurinn og hann getur því skilað
manni síðasta laufabrauðinu eða jafnvel
bita af tvíreyktu.“
BESTIR VERSTIR