Fréttablaðið - 15.12.2012, Blaðsíða 110
15. desember 2012 LAUGARDAGUR| HELGIN | 70
Snjórinn liggur eins og mara yfir öllu. Kapp-klætt fólk skýst um með fjársjóð falinn í kreppt-um lófa. Leiðin liggur inn í lítið rjóður þar
sem stórt grenitré, þakið snjó,
virðist vera miðpunktur athygl-
innar. Til hliðar við tréð stendur
véfréttarleg kona og eys ókenni-
legum miði í drykkjarílát. Einn
eftir annan stígur fram, festir
fjársjóð sinn á grein á trénu,
bakkar og þiggur mjöð véfrétt-
arinnar. Augu allra eru negld við
tréð og sjá, skyndilega skellur á
ljós og tréð uppljómast um leið
og klukkan skellur í sex. Ham-
ingjan geislar af andlitunum og
myndin máist út.
Þetta er ekki atriði úr nýjustu
seríu Game of Thrones, þetta er
jólaauglýsing Símans. Fjársjóð-
irnir sem kappklæddu verurnar
færa trénu eru snjallsímar og
það eru þeir sem lýsa upp til-
veruna þegar jólin ganga í garð.
Nema hvað?
Íslandsbanki rær á svipuð mið í
sinni auglýsingu þar sem kjarna-
fjölskyldan skundar kappklædd
úr sumarhúsinu út í rjóður til
að mynda börnin við trén sem
voru gróðursett við fæðingu
þeirra. Snjórinn er í aðalhlut-
verki auk rauða krúttlega húss-
ins sem virðist vera innflutt úr
bók eftir Astrid Lindgren. Rautt
timburhús í miðjum skógi, er það
til á Íslandi? Kannski flúði fjöl-
skyldan land þegar bankarnir
fóru á hausinn, eða þá að bankinn
er að hvetja viðskiptavini til að
forða sér úr landi áður en næsta
hrun skellur á. Gleymið bara ekki
pjáturkaffikönnunni hennar lang-
ömmu. Nostalgía, útlandalegt
umhverfi, skógur og snjór eru
nefnilega greinilega undirstaða
jólahamingjunnar ef marka má
íslenskar auglýsingastofur.
Langsterkasta þemað í jóla-
auglýsingum þessarar aðventu
er þó snjórinn. Það snjóar bók-
staflega á allt og alla, innan húss
og utan. Í Smáralind ráfar fólk
með rauðar húfur stefnulaust í
gegnum snjókófið, ríghaldandi í
ferkantaða pakka, sem væntan-
lega stórskemmast í þessari ofan-
komu áður en þeir komast í réttar
hendur. Það snjóar í Kringlunni,
það snjóar hjá Advania, það snjó-
ar heil býsn hjá Stöð 2 og David
Attenbourough og Raggi Bjarna
eru nánast snjóaðir í kaf í auglýs-
ingum um dvd-diska þess fyrr-
nefnda og geisladisk þess síðar-
nefnda. Það er ekki í nein hús
að venda, snjórinn nær þér hvað
sem þú reynir. Enda svo óskap-
lega jólalegur, eða hvað?
Reyndar er skjól fyrir snjó-
komunni í IKEA þar sem skógar-
höggsmannalegur rusti veldur
ótta og flótta starfsfólks með
því að hrifsa til sín með þjósti
og yfirgangi allt sem hann þarf
fyrir jólin. Auðvitað er hann
fannbarinn blessaður, annað
skyti skökku við: jól eru sama
sem snjór, muniði. Hvort IKEA
er með þessu að ýta undir yfir-
ganginn í samfélaginu skal ósagt
látið en þar er þó allavega skjól
um stund fyrir endemis ofan-
komunni. Takk fyrir það.
Jólasnjór er rótgróið hugtak en
mér er stórlega til efs að fann-
fergi sé efst á óskalista þjóðar-
innar fyrir þessi jól, allavega
ekki þess hluta hennar sem enn
man áhlaupið á milli jóla og
nýárs í fyrra. Það ber líka vott
um undarlega hugmyndafátækt
að búa til jólastemningu með
einum saman snjónum, sérstak-
lega á Íslandi þar sem meiri hluti
landsins hefur verið meira og
minna á kafi í snjó síðan í sept-
ember. Það hlýtur að vera til eitt-
hvað annað sem minnir okkur
á jólin og eykur hátíðleikatil-
finningu. Hvernig væri að halda
glimmerjól næst?
Það snjóar bara og snjóar
Jólaauglýsingar stórfyrirtækjanna eru íburðarmiklar og hannaðar til að skapa jólastemningu í huga áhorfandans. Það ber þó
vott um undarlega hugmyndafátækt að nánast allar auglýsingastofur skuli gera snjó að útgangspunkti í jólastemningunni.
Eiga auglýsingar ekki að skapa þörf fyrir ákveðna vöru eða þjónustu hjá neytendum? Viljum við snjó í jólapakkann?
Friðrika
Benónýsdóttir
friðrikab@frettabladid.is
Opna – Velja – Njóta
EINSTÖK GJÖF
FYRIR ALLA
sími 577 5600 info@oskaskrin.is www.oskaskrin.is
Óskaskrín henta fullkomlega í harða pakka fyrir þá sem
vilja upplifa og njóta, þá sem velja sjálfir, þá sem eiga allt.
Það er einfalt að velja rétta gjöf – gefðu upplifun í öskju,
gefðu Óskaskrín.
PI
PA
R\
TB
W
A
•
S
ÍA