Fréttablaðið - 15.12.2012, Side 148
SUND „Það var aukaplús að ná
metinu en ég var langmest að
pæla í því að bæta minn persónu-
lega árangur,“ segir Anton Sveinn
McKee, skriðsundskappi úr Ægi.
Anton Sveinn hafnaði í 25. sæti
í skriðsundinu og bætti Íslands-
met Arnar Arnarsonar frá því í
Moskvu árið 2002 um tæpa sek-
úndu. Anton Sveinn kom í mark
á tímanum 3:47.83 og bætti sig
um fimm sekúndur. Hann segir
bætinguna ekki hafa komið sér á
óvart.
„Allir mínir bestu tímar (innsk.:
í 25 metra laug) voru frá því á
Norðurlandameistaramóti ung-
linga fyrir ári. Miðað við hvernig
ég hef verið að æfa síðan þá vissi
ég alveg að þetta gæti gerst.“
Anton Sveinn keppti í 100 metra
bringusundi á miðvikudaginn og
bætti tíma sinn í greininni. Hann
keppir þó allajafna ekki í grein-
inni.
„Það var eiginlega bara upp á
skemmtun og til að kynnast laug-
inni,“ segir Anton Sveinn sem
leggur áherslu á skriðsundið og þá
helst lengri vegalengdir. Íslands-
metin í 800 og 1500 metra sundi
eru í hans eigu hvort sem er í 25
metra eða 50 metra laug.
Rólegur og yfirvegaður fyrir sundin
Anton Sveinn segist hafa verið vel
stemmdur þegar hann stakk sér til
sunds í Tyrklandi í gær. Misjafnt
er hvernig íþróttafólk finnur sig á
stóra sviðinu en Hafnfirðingurinn
virðist njóta sín þar.
„Þetta er það sem ég hef verið
að undirbúa síðan ég fór á fyrstu
Norðurlandamótin fjórtán eða
fimmtán ára. Ég hef verið rosa-
lega rólegur og yfirvegaður fyrir
sundin. Ég veit hvað ég er kom-
inn til að gera hérna. Ég ætla að
bæta mig og ég hef gert það,“ segir
Anton Sveinn. „Á Ólympíuleik-
unum og öðrum mótum hefur
maður lært af reynslunni og veit
hvernig maður á að haga sér í
sundinu. Ég tek vel eftir því núna
að þetta hefur skilað sér.“
Anton Sveinn keppir í sinni
uppáhaldsgrein, 1500 metra skrið-
sundi, á sunnudaginn.
„Það er frí á morgun (í dag) sem
er rosalega vel þegið. Mark miðið
er að komast eins langt undir
fimmtán mínúturnar og hægt er.
Ég á metið sjálfur svo ég keppi við
sjálfan mig. Það er enginn auka-
bónus að ná einhverju meti,“ segir
Anton og hlær. Íslandsmet Antons
Sveins í greininni er 15:01.35 mín-
útur.
Fjárhagslegan stuðning vantar
Anton Sveinn er á lokaári sínu á
náttúrufræðibraut í Verzló. Tán-
ingurinn æfir tvisvar á dag alla
virka daga og segir lítinn tíma
fyrir annað en sundið og skólann.
Óvíst er hvað tekur við að lokinni
útskrift í vor.
„Möguleikarnir sem eru í boði
hafa hver sína kosti og galla. Ef
ég færi út í skóla myndi ég fórna
góðum þjálfara sem hugsar bara
um þig. Hérna heima er fjárhags-
staðan hins vegar ekki sú besta.
Maður gæti ekki verið í skóla með
sundinu,“ segir Anton Sveinn sem
segir þó efst á óskalistanum að
vera heima.
„Ég mun gera það ef allt gengur
upp. Maður þyrfti að fá einhverja
fjárhagslega styrki til þess að
fljóta. Aðalástæðan fyrir því að
maður gæti farið út er hvernig er
haldið utan um þetta hér heima.
Við erum með flotta æfingaað-
stöðu en það vantar, eins og allir
hafa talað um, aðhald hjá ríkinu
og meiri stuðning við ÍSÍ. Það er
það sem er ekki hvetjandi við að
vera heima,“ segir Anton sem sett
hefur stefnuna á Ólympíuleikana
árið 2016. Í bili getur hann notið
þess að hafa nælt í Íslandsmetið
hans Arnar sem er óumdeilt sá
Íslendingur sem hefur náð lengst
í sundinu.
„Afrek hans eru auðvitað eitt-
hvað sem maður vill ná sjálfur.
Að verða Evrópumeistari og ná
Evrópumeti. Þetta er árangur sem
maður lítur upp til og dreymir um
að ná einn daginn.“
kolbeinntumi@365.is
Mig dreymir um að ná afrekum Arnar
Anton Sveinn McKee úr Ægi bætti tíu ára gamalt Íslandsmet Arnar Arnarsonar í 400 metra skriðsundi á heimsmeistaramótinu í 25
metra laug í Istanbúl í gær. Sundkappinn nítján ára segir reynslu af þátttöku í mótum erlendis vera að skila sér.
EINBEITTUR „Ólympíuleikarnir í London voru hvatning fyrir mig til þess að gera meira. Við vorum úti í rúmar tíu vikur í
æfingabúðum og að keppa. Ég er enn einbeittari fyrir vikið.” NORDICPHOTOS/AFP
Fyrirmynd Jóns Margeirs
Anton Sveinn er uppáhaldssundmaður Jóns Margeirs Sverrissonar
sem vann til gullverðlauna í 200 metra skriðsundi á Ólympíumóti
fatlaðra í sumar. „Hann er skemmtilegur karakter og ég spjalla
oft við hann. Hann æfir líka í Laugardalnum en með Fjölni svo
hann er á öðrum æfingatímum en ég. Árangurinn sem hann náði
í London var magnaður,” segir Anton Sveinn. Auk þess að setja
stefnuna á afrek Arnar Arnarsonar segist Anton hafa lært
mikið af æfingafélaga sínum, Jakobi Jóhanni Sveinssyni.
„Ég hef lært rosalega mikið og mest af honum. Hann er
líka mjög góður sundmaður og alltaf sætt að taka met af
honum,“ segir Anton og hlær. Hann segist ekki alveg viss
hvers vegna Jón Margeir líti upp til sín.
„Ætli það sé ekki af því að ég syndi langsundin sem er
líka hans grein. Ég held að það sé málið.“ Jón Margeir hefur
sett markið hátt en hann ætlar sér að ná lágmarki ófatlaðra
fyrir Ólympíuleikana í Ríó 2016 líkt og Anton Sveinn.
Afrek Arnar eru
auðvitað eitthvað sem
maður vill ná sjálfur.
Þetta er árangur sem
maður lítur upp til og
dreymir um að ná.
Anton Sveinn McKee
SPORT Hörður Gunnarsson, for-
maður aðalstjórnar Vals, segir að
Reykjavíkurborg hafi ekki staðið
við samning sem skrifað var undir á
sínum tíma og að það sé þungt högg.
„Að okkar mati hefur Reykja-
víkurborg ekki staðið við þann
samning sem gerður var 2008. Við
erum með rekstrarsamning sem er
annar hluti af samkomulaginu og
hinn hlutinn snýr að viðhaldi eigna.
Í fyrsta lagi var hann lækkaður
einhliða og í öðru lagi var samn-
ingurinn vísitölu tryggður en það
er búið að kippa þeim lið út. Síðan
er verið að draga úr þeim hluta sem
snýr að viðhaldi og það kemur verr
út fyrir þau örfáu félög sem eiga og
reka sínar eignir. Þetta eru marg-
ar milljónir á ári sem við erum
að ræða,“ segir Hörður. Hann er
samt bjartsýnn á að Reykjavíkur-
borg muni að lokum standa við
gerða samninga. „Það eru alltaf
einhverjar viðræður í gangi og
við höfum fengið þau fyrirheit að
Reykjavíkurborg muni koma til
baka með það sem af okkur var
tekið. Samningarnir voru gerðir
til þriggja ára og það var aldrei
staðið við þá samninga til fulls. Við
ætlum að skipta upp rekstrinum
okkar í tvennt, í íþróttastarf-
semi og rekstur mannvirkja, og
við teljum að það séu aðrir betur
fallnir til þess að sjá um rekstur
á fasteignum félagsins og öðrum
eignum. Þá getum við sem störfum
hér innanhúss farið að einbeita
okkur að rekstri íþróttafélags.“
Formaðurinn dregur ekkert úr því
að starfsumhverfi íþróttafélaga
hafi aldrei verið erfiðara.
„Það er mjög erfitt umhverfi og
við finnum vel fyrir því. Íþrótta-
félag eins og Valur gerir ráð
fyrir því að stórir aðilar eins og
Reykjavíkur borg standi við þetta
samkomulag. Valur gerir áætlanir
út frá slíku samkomulagi og
skuldbindingar í kjölfarið,“ sagði
Hörður. - seth
Valsmenn skipta upp rekstrinum hjá sér
Aðalstjórn Knattspyrnufélagsins Vals hefur lagt fram tillögu þess efnis að skipta rekstri félagsins í tvennt.
HÖRÐUR GUNNARSSON, formaður
Vals.
NÆSTSÍÐASTI ÞÁTTUR SUNNUDAG KL. 21.15
OG LOKAÞÁTTUR MÁNUDAG KL. 22.00
FÁÐU ÞÉR ÁSKRIFT | 512 5100 | STOD2.IS | VERSLANIR VODAFONE | VERSLANIR OG ÞJÓNUSTUVER SÍMANS 800 7000
TVEIR SÍÐUSTU ÞÆTTIRNIR Í BESTU SPENNUÞÁTTARÖÐ ÁRSINS
SPORT 15. desember 2012 LAUGARDAGUR