Fréttablaðið - 15.12.2012, Qupperneq 143

LAUGARDAGUR 15. desember 2012 | MENNING | 103
Yfir jólahátíðina á fólk það til að
borða óhóflega af alls kyns mat. Slíkt
óhóf getur haft vond áhrif á magann
og meltinguna og því er gott að búa
yfir nokkrum góðum ráðum um hvað
beri að forðast til að koma í veg
fyrir magaverki og einnig hvað geri
maganum gott.
ENGIFER OG
PIPARMYNTA
Geta gert krafta-
verk sé fólk
með magaverki
eða -truflanir. Gott
ráð er að drekka
piparmyntute með örlitlu
af engifer út í.
VATN
Frábært fyrir melt-
inguna og ættu allir
að drekka nóg af því
daglega. Vatn hefur
líka góð áhrif á húðina,
enda hreinsar það
líkamann að innan.
ÁVEXTIR OG GRÆNMETI
Hafa góð áhrif á meltingu fólks
og þá sér í lagi bananar því þeir erta
ekki magann.
ALKÓHÓL
Slakar á hringvöðvanum og fram-
kallar bólgur í maga, þetta tvennt
hefur slæm áhrif á meltinguna.
SLÆMT Í MAGANN
Feitur matur eykur
líkur á brjóstsviða og
niðurgangi. Sterkur
matur getur sömu-
leiðis verið slæmur
fyrir meltinguna og
orsakað bakflæði hjá
þeim sem eru viðkvæmir
fyrir.
Kaffi getur einnig framkallað
bakflæði hjá sumum og komið af
stað miklum garnahreyfingum,
sem margir kannast við. Kaffi gæti
þó komið að gagni þjáist fólk af
hægðatregu.
Dýrðin gaf nýlega út plötuna
Gull og vitleysa. Á henni eru tíu
lög eftir hljómsveitina og svo
ábreiða þeirra af lagi hinnar
bandarísku The Icicles.
Tónlistin er undir áhrifum frá
sveitum á borð við Blondie, The
Cardigans og Ramones og er
léttleikandi, pönkskotið popp.
Dýrðin hefur starfað um
árabil og gaf út sína fyrstu plötu
2006 hjá Skipping Stones
Records í Bandaríkjunum, þótt
megnið af lögunum væru sungin
á íslensku. Hljómsveitin gefur
sjálf út nýju plötuna. Næstu
tónleikar Dýrðarinnar verða 27.
desember á Ellefunni.
Dýrðin með
pönkað popp
NÝ PLATA Hljómsveitin Dýrðin hefur
gefið út plötuna Gull og vitleysa.
Enn berast fregnir af málsókn-
um á hendur leikbrúðustjórnand-
anum Kevin Clash, en nú hefur
sú fjórða bæst við.
Clash er gefið að sök að hafa
árið 1996 borgað flugmiða fyrir
16 ára dreng frá Miami til New
York þar sem hann hafði við
hann samræði gegn greiðslu.
Fyrri ásakanir eru af sam-
bærilegum toga og hefur Clash
látið af störfum hjá Sesame
Street, en hann hefur stjórnað
brúðunni Elmo í tæpa tvo
áratugi í barnaþættinum
vinsæla. - hva
Fleiri fórnar-
lömb stíga fram
HÆTTUR SEM ELMO brúðumeistarinn
hefur dregið sig í hlé vegna ásakana um
kynferðisbrot.
HEILSA GOTT Í MAGANN